MATIUS 2:16 - Alkitab Singog In Mongondow Masa In Tanaa

¹⁶ Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

MATIUS 2:16 Referans Kwoze

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

AMSAL 28:15

Intau moraat inta mongawasa kon intau inta kinodaitan, naonda bo singa inta moganggor andeka beruang inta mondudur.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

HOSEA 10:14

dá rayatmu in dapangon in parang, bo bayongan in dindingmu in rimumudon. Kaadaannea in naonda bo kon singgai ki Datu Salman noyompat kon kotá in Bet-Arbel kon pinoparangan, bo noḻintog kon guyanga mita bobay takin ki adí mita monia.

DANIEL 3:13

Nokodongogmai kon tua sinumorúdon totok in ki datu, bo nomarenta sinbá intau taya toḷu tatua in diaan kon tayowonnea.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

DATU MITA 2 8:12

“Nongonu sin ki Tuang in mongombaḷbí?” iḻibó i Hazael. “Kinotaauanku in moraat inta pomiaanmu kon intau in Israel,” guman i Elisa. “Turubonmu in kotá mita inta oyúon in poḷoḷukadan, moḻimod kon tayow mobiag mita inta totok in mongopia, bo monagang kon adí mita mointok bo momotak kon sian in bobay mita inta nonogusian.”

HAKIM MITA 16:10

Bo ki Delila noguman kon i Simson, “Ah, nonguboḷ in iko! Iko nion in tongábí mopoyambá kon inakó. Oumandon kaasí kon inakó mongo onu in motaau potogot kon inimu!”

KINOBAḺIAN 49:7

Katuḷaandon in torú monia tatua, sin moiḻiudon totok natua. Katuḷaandon in rogi moḷoben monia tua, sin moraatdon totok. Poyayitonkudon in mosia kon sigad i adí mita i Yakub. Bo moponabud kon i monia kon sigad in adí mita i Israel.

AMSAL 28:17

Intau moḷoḻimod in mokorasabí kon ná umuran aḷo-aḷowan mako modapot in sia matoi; diábí tobatúmai intau in mokoḷamboi kon inia.

AYUB 12:4

Akuoi naa in kinosingan in yobayat bo totakin, bokaka akuoi naa in nobanarbí bo diábí in taḷá. Dungkuḷmai sinubagan i Allah in sambayangku, aka akuoi mokuani mokituḷung.

PINOGIAPAN 24:10

Sinumorú in ki Balak bo nongurongkom kon koyungkumnea poḷat noguman kon i Bileam, “Iko inoiníku sin mongutuk kon musungku mita, táe naa in kotoḷumudon binarakatan in mosia.

PINOGIAPAN 22:29

Tubag i Bileam, “Iko nopoyambá kon inakó! Aka kuma bo kodia-dia in pitow in akuoi, yo iratákudon in iko!”

KINOBAḺIAN 39:17

Naonda in ki buḷoinea nobui, sia in bayá-bayádon noguman kon i buḷoinea, kainia, “Intau Ibrani inta diniamu tua, sinumuot kon gopotku sin mopoyagi-yagimai kon inakó.

KINOBAḺIAN 39:14

sia nogoiní kon bobantungnea mita bo noguman, “Indoiaika! Intau in Ibrani inta dinia mangoi i buḷoiku kon baḷoi tanaa, nopohinamaidon kon inaton. Sia sinumuot in gopotku bo modomok kon inakó, táe kinumarak in akuoi.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

MATIUS 2:7

Bo inumado-adop mako ki Herodes nogoiní kon intau mita in Mayusi tatua bo noḻibó kon i monia kinotaḻit mongo kon dodai in onda in tundi tatua inontong.

MATIUS 2:17

Tua in nobaḻí sinbá motompodon singog i Tuhan inta pinoyaput i Nabi Yeremia, nanaa:

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.