MATIUS 2:13 - Alkitab Singog In Mongondow Masa In Tanaa

¹³ Naonda intau mita in Mayusi minayádon, malaekat i Tuhan nokipogontong kon i Yusup kon bonu in togoindop bo noguman: “Pobangondon iko bo gamádon in Adí tatua takin ki iná-Nea bo dia, poḷaguidon kon butá in Mesir bo pogutunpa kon tua modapot in Akuoi bui mosingog kon inimu, sin ki Herodes moḷongasi motayak kon adí tatua bo ḻimodon”.

MATIUS 2:13 Referans Kwoze

OUMAN IN RASUL MITA 12:11

Bain nopaḷut mako kon tua bo kinotaauannea in onu inta bagupa nobaḻí kon inia, bo sia in noguman, “Tanaa mako in kinotaauankudon kon ki Tuhan in totu-totuubí nopotabá in malaekat-Nea moposaḷamat kon inakó nongkon kawasa i Herodes bo nongkon rupa-rupa inta moraat inta popoaid in intau in Yahudi kon inakó.”

OUMAN IN RASUL MITA 10:7

Naonda in minayádon malaekat inta noguman kon i Kornelius tua, ki Kornelius in nogoiní kon bobantungnea doyowa bo tontara tobatú inta totok in motoindudui.

OUMAN IN RASUL MITA 5:19

Táe nodoḷom monag, tobatú malaekat i Tuhan nomukat kon ḷoḻingkop mita in ponjara tatua bodongka nodia kon i monia iḷumuai. Malaekat tatua in noguman kon rasul mita tatua,

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

MATIUS 1:20

Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

IḶUAIAN 1:22

Dá ki datu in nomarenta nanaa kon bayongan in rayatnea, “Bayongan adí ḷoḷaki intau Ibrani inta bagu pinononggadí musti pogonag kon Ongkag in Nil, táe bayongan adí monia bobay pomayádon mako in mobiag.”

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

AYUB 33:15

Umpaka intau nosiug noḷoḷot kon dodai in doḷom, kon bonu in togoindop bo oontongon, ki Allah in mosingog.

AYUB 33:17

Makusud-Nea sinbá mosia in mogogai mogaid kon dosa bo monaḷámai kon kaḷakuang monia.

YOSUA 4:18

Naonda in yaput in imang mita tatua kon bingkí in ongkag, tubig in ongkag tatua buidon noiḻig bo noiḻebetdon ná dungkuḷ.

WAHYU 12:14

Táe bobay tatua inogoiandon in koḻikip doyowa. Koḻikip in boniá moḷoben, sinbá ḷumayug in sia mayá in tampatnea kon padang gurun, tampat inta poḷukadan kon inia kon bonu in toḷu notaong kapin, sin pomiḷagui kon uḷag.

OUMAN IN RASUL MITA 16:36

Dá pinoyaputdon itoi in ponjara tatua kon i Paulus in parenta tatua, kainia, “Tuang, intau mita moḷoben kon Rum aindon nobogoi in parenta kon tai tuang in buḻiandon. Dá motaau bidon mobui in tanaa mako. Bayádon bo mokopopiadon kon daḷan!”

OUMAN IN RASUL MITA 10:22

Dá mosia in notubag, “Kami naa in namangoi sin pinotabá i Kornelius, tobatú itoi in tontara Rum, inta totok mopia bo motoindudui kon i Allah bo ihoromat in bayongan intau in Yahudi. Tobatú malaekat i Allah in namangoi kon inia bo nopotabá mogoiní kon i Tuang sinbá ki Tuang in mamangoi in baḷoinea, saḷaku tubag i Tuhan kon bayongan inta pinoigumnea kon doa. Sia in pinoki indongogan kon onu in poguman i Tuang kon inia.”

OUMAN IN RASUL MITA 7:19

Datu nobagu tatua totok in moporupa-rupamai kon intau naton bo totok doman in momogutú kon mogoguyang naton. Sia in nokiḷumbú in adí mita mointok monia sinbá matoi.

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

WAHYU 12:6

Dá bobay tatua in noḷagui nopobayá in padang gurun, tampat inta ain sinadia i Allah kon inia. Sia in iḷukadan kon tampat tatua kon bonu in 1.260 nosinggai in koonggotnea.

YOSUA 4:10

Imang mita tatua umuranpabí sinimindog mako nodapot in intau mita tatua nopaḷut nogaid kon bayongan inta pinoki aid i Tuhan kon i monia pinongin i Yosua. Tua in noidudui kon topotundú mita i Musa kon i Yosua. Noḻikat in bangusa Israel iḷumoḷan kon Ongkag in Yordan.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.

MATIUS 2:22

Táe naonda in dinongognea kon ki Arkelaus in nobaḻí datu kon Yudea nomaḷui kon i Herodes ki amánea, noondok in sia in mayá intua. Táe malaekat in bui noguman kon inia kon togoindop, dá ki Yusup minayá in Galilea.

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

MATIUS 2:14

Doḷompa doman tua ki Yusup nobangon bo nodia kon Adí tatua takin ki iná-Nea bodongka noḷagui minayá in Mesir.

OUMAN IN RASUL MITA 12:7

Indoianmai noisindogbí magí malaekat i Tuhan kon tua bo nonimbayag kon bonu in ponjara. Malaekat tatua in noguḷung kon i Petrus dá noibangon. Bo malaekat tatua in noguman, “Ei, ḷagidon pobangon!” Dá kon dodaipa doman intuata bo notontak in rante uatoi inta pinotokig kon ḻimanea.

DATU MITA IMITÁNEA 11:17

Táe, ki Hadad inta tungkuḷ intua noguodpa, ain noḷagui kon Mesir noyotakin in tongonumai in intau in Edom, bobantung mita i amánea.