MATIUS 19:6 - Alkitab Singog In Mongondow Masa In Tanaa

⁶ Bo mosia tua in deeman bidon doyowa, táe tobatú bidon. Tuamai onu inta ain sinobatú i Allah diá bidon motaau poyogaaton in intau.”

MATIUS 19:6 Referans Kwoze

MARKUS 10:9

Tuamai onu inta sinobatú i Allah diá motaau in poyogaaton in intau!”

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

SURAT I PAULUS KON JAMAAT RUM 7:2

Umpamanea, bobay inta kobuḷoi noyotogotpabí in hukum takin i buḷoinea kon wakutu in ki buḷoinea nobiagpa. Táe aka ki buḷoinea bo matoidon, dá noipilat bidon in sia nongkon hukum inta nopoyotogot kon i nayadua motonibuḷoi tua.

EPESUS 5:28

Dá mustibí doman natua in buḷoi ḷoḷaki, musti in sia totu-totuu motabi kon i buḷoinea ná kototabinea kon awaknea tontaní. Intau inta motabi kon i buḷoinea bobay, mangaḻenea kon tua, sia motabi kon awaknea tontaní. (

MALEAKHI 2:14

Moiko in moḻibó nongonu sin doíbí in Sia motarima. Popisí in kinotaauan i Tuhan in moiko kon diá motoindudui kon bobay inta sinonibuḷoi monimu kon dodai in noguodpa. Bobay tatua in yobayat kon kobiaganmu, táe moiko in nomaḻidawandon kon inia, Umpaka kon tayowon i Allah moiko in nodandidon kon umuran motoindudui kon i-Nia.

AMSAL 2:17

Bobay tatua in diábí mosatia kon i buḷoinea bo kinoḻionganneadon in dandinea kon i Allah.

MALEAKHI 2:16

“Kodoí-Kubí in gogaatan,” guman i Tuhan Allah in Israel. “Kodoí-Kubí aka tobatú kon sigad monimu in mogaid kon ná tatua in koḻingánea kon i buḷoinea bobay. Dá ḷukadaidon in awakmu bo dika mokoimontanmai in momaḻidawan kon i buḷoimu.”

MATIUS 19:5

Bo Pirman-Nea in noguman, ‘Manangka intua ḷoḷaki in monaḷámai kon i amá bo kon i inánea bo motobatú takin i buḷoinea, sahingga taya dua motobatúdon kon awak.’

MATIUS 19:7

Dá mosia in noḻibó bui kon i-Nia, “Aka natua, yo nongonu sin ki Musa in nomarentabí kon mobogoi in surat talak aka intau mogaat kon i buḷoinea?”