MATIUS 18:4 - Alkitab Singog In Mongondow Masa In Tanaa

⁴ Ki ine in mokopoompá kon oaid bo mobaḻí ná mongoadí tanaa, yo sia tua in moḷobe-ḷoben kon sigad in umat i Allah.

MATIUS 18:4 Referans Kwoze

YAKOBUS 4:10

Moiko in musti mokopoompá kon dodia kon tayowon i Tuhan, dá poḷantudon i Tuhan in moiko.

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

MARKUS 10:43

Táe moiko in diábí motaau momia natua! Táe aidai in naa, intau inta moibog mobaḻí moḷoben kon sigad monimu, sia in musti mobaḻí bobantungmu.

LUKAS 9:48

Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

MATIUS 18:1

Kon wakutu intua namangoidon in murí mita i Yesus kon i-Nia bo noḻibó, “Ki inebí degá in moḷobe-ḷoben kon sigad in umat i Allah naa?”

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

MATIUS 18:3

Bo nosingog, “Poguman-Ku kon i monimu! Aka moiko bo diá mogogai mogaid kon moitaḷá bo mobaḻí ná mongoadí tanaa, yo moiko in diábí mobaḻí umat i Allah.

MATIUS 18:5

Bo ki ine inta notarima kon adí ná tanaa sin lantaran Akuoi, yo sia in notarima kon i-Nakó.”

MARKUS 9:34

Táe mosia in tongá kibio-biómai, sin pinobobayowan monia koina kon daḷan in soaḷbí ki ine in moḷobe-ḷoben.