MATIUS 18:33 - Alkitab Singog In Mongondow Masa In Tanaa

³³ Manangka intua iko in mustibí doman mongampung bo motabi kon yobayatmu tatua ná Akuoi ain notabi kon inimu?’

MATIUS 18:33 Referans Kwoze

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

MATIUS 5:7

Pia in kamang in intau inta mopia in gina; sin mosia i motarima doman kon kopopia i Allah.

MATIUS 18:32

Dá pinoki oiní i datu in intau tatua bodongka siningognea, ‘Ei iko simpaḷ inta moraat! Komintan boḻimu aindon nodait pinopatanku sin pinoigummu kon inakó.

MATIUS 18:34

Bo sinumorú totok in ki tuangnea tatua sahingga in pinobonunea kon ponjara in sia nodapot in nodaitnea inuboḻian in bayongan boḻinea.”