MATIUS 18:26 - Alkitab Singog In Mongondow Masa In Tanaa

²⁶ Dá sinumungkudon in simpaḷnea tatua kon tayowon i datu bo nosumba takin noguman kon inia, ‘Posabarpa muna, sin bayongan boḻiku in daitonkubí uboḻianan.’

MATIUS 18:26 Referans Kwoze

MATIUS 18:29

Yobayatnea tatua sinumungkud bo nopoigum kon inia, ‘Posabarpa muna, uboḻiankubí in boḻiku tatua!’

LUKAS 7:43

Dá kain tubag doman i Simon, “Tantú intau inta mobayong in boḻinea!” Kai Yesus, “Totuu in tubagmu nion.”

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.