MATIUS 16:20 - Alkitab Singog In Mongondow Masa In Tanaa

²⁰ Bo ki Yesus nongampag kon murí-Nea mita sinbá mosia in diá mopotaa-taau mako kon i inekadon kon Sia tua in ki Mesias.

MATIUS 16:20 Referans Kwoze

MARKUS 8:30

Dá ki Yesus nopotoingatdon kon i monia, sinbá diá mopotaau kon i inekadon in soaḷ Sia.

LUKAS 9:21

Bo ki Yesus in noguman kon murí-Nea mita, “Donaai poguman magí-mako monimu kon i inekadon.”

YOHANES 1:41

Dá ki Andreas in ḷagi notayak kon i Simon ki utatnea bo noguman kon inia, “Kami ain noyodungkuḷ i Mesias!” (Mesias notongkai in Kristus: Datu Mopoposaḷamat.)

MATIUS 17:9

Kon dodai in mosia nosiḻigdon nongkon buḷud tatua, ki Yesus nobogoi in koyow kon i monia, “Donaai oumanon monimu kon i ine kabí in onu inta aindon inontong monimu tatua kon wakutu in ki Adí Intau diápa biagon bui kon sigad in intau minatoi.”

LUKAS 9:36

Naonda in nogogai singog tatua, indoianmai monia yo dongkadon ki Yesus tontaní in kon tua. Táe tua komintan diábí inouman in murí-Nea mita kon intau ibanea.

MATIUS 8:4

Bo ki Yesus in noguman kon inia, “Toropdon in singog-Ku naa! Donaai oumanon kon i inekabí in onu inta nobaḻí tanaa. Táe bayádon bo pokiindoi kon imang, bo pobogoidon iko in sosumba ná inta pinarenta i Musa, mobaḻí bukti kon i monia kon nopia in iko!”

YOHANES 1 5:1

Intau inta mopirisaya kon ki Yesus tua in Datu Mopoposaḷamat inta namangoi nongkon i Allah, yo intau tatua ki adí i Allah. Intau inta motabi kon i-Nia inta nopoangoi tua in motabibí doman kon i-Nia inta namangoi nongkon i Allah.

YOHANES 1 2:22

Ki ine in mouboḷ tua, tantú intaubí inta noguman kon ki Yesus tua in deemanbí Datu Mopoposaḷamat inta pinodandi i Allah. Mosia tua in Saturu i Kristus, sin diábí akuonnea in ki Amá andeka Adí.

OUMAN IN RASUL MITA 2:36

Manangka intua bayongan in intau Israel in musti monotaau totok kon ki Yesus inta ain pinopopakú monimu kon kayu pinoyotaḻempang binaḻí bidon i Allah Tuhan bo Datu Mopoposaḷamat!”

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 1:45

Bo ki Pilipus in noyodungkuḷ i Natanael bo poḷat noguman kon inia, “Nouḻídon nami in intau inta sinangoi i Musa kon bonu in buk hukum i Allah, bo inta ain pinotaau muna in nabi mita. Sia tua in ki Yesus, intau in Nazaret, ki adí i Yusup.”

MARKUS 9:9

Wakutu in nosiḻigdon nongkon buḷud tatua in mosia, ki Yesus nongoyow kon imonia, kai-Nia, “Donaai potaau monimu kon i ineka onu inta inontong monimu koina aka ki Adí Intau diápa biagon nongkon kinopatoian.”

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

YOHANES 11:27

“Tuhan,” kai Marta, “akuoi in mopirisayabí kon ki Tuhan in ki Adí i Allah, Datu Mopoposaḷamat inta mamangoi in dunia naa.”