MATIUS 16:11 - Alkitab Singog In Mongondow Masa In Tanaa

¹¹ Nongonu sin diábí kinotaauan monimu kon deemanbí roti imakusud-Ku naa? Táe Akuoi in moguman kon i monimu kon mokopoingatdon kon oaid in intau in Parisi bo Saduki.”

MATIUS 16:11 Referans Kwoze

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

YOHANES 8:43

Nongonu sin diábí komangaḻean monimu in onu in pinoguman-Ku? Popisíbí in moiko diá mokotahang in mokodongog kon totundú-Ku.

LUKAS 12:56

Uḻe, moiko intau inta mongomunapik! Kaadaan in butá bo ḷangit motaau monimu takuseron táe nongonu sin tanda mita in zaman masa in tanaa in diábí motaau monimu takuseron?”

MARKUS 8:21

Ki Yesus in noguman, “Degá diápa doman komangaḻean monimu?”

MARKUS 4:40

Bo ki Yesus in noḻibó kon murí-Nea mita, “Nongonu sin moondokbí in moiko? Nongonu sin diábí in moiko mopirisaya kon i-Nakó?”

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

MATIUS 16:1

Kon tua namangoidon intau mita in Parisi bo Saduki sin monungkuḷ kon i Yesus takin mopoigum sinbá Sia mopoontong in tanda kon i monia nongkon soroga.

MATIUS 16:12

Bain tua bo kinomangaḻean monia kon deemanbí makusud-Nea sinbá mokopoingat kon ragi in roti, táe mokopoingatbí kon onu inta sinundú in intau in Parisi bo Saduki.

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.