MATIUS 15:32 - Alkitab Singog In Mongondow Masa In Tanaa

³² Ki Yesus nogoiní kon murí-Nea mita bo noguman, “Akuoi motabi totok in mokoontong kon intau mita tanion. Mosia aindon toḷu nosinggai in dinumudui kon i-Nakó bo mosia in diá nodia kon kaanon. Akuoi in doíbí mopobui kon i monia kon dodai in mosia gogoyon, sin dikabo moumpag kon daḷan.”

MATIUS 15:32 Referans Kwoze

MATIUS 9:36

Nokoontongmai kon intau moantó tatua, Sia inangoian totok in tabi kon i monia, sin mosia totokdon in moḷopí bo diádon kodaya, naonda bo domba inta diádon kogombala.

OUMAN IN RASUL MITA 27:33

Naonda in motoyongdon momuká in mata in singgai, ki Paulus in nonongganut kon bayongan intau kon tua sinbá mongaanpa. Sia in noguman nanaa, “Aindon mopuḷú bo opat nosinggai in koonggotnea moiko in dongkadon mogoḷat mako bo monahang doman mako in gogoy.

IBRANI 4:15

Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

MARKUS 9:22

“Mokakitdon in dimukud moraat tatua moḷongasi moḻimod kon inia takin pogonagnea kon tuḷu ande kon bonu in tubig. Aka ki Pak Guru mokotuḷungbí dá kotabipa in kami bo tuḷungaipa!”

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

MATIUS 20:34

Bo noḻiaidon in gina i Yesus sin notabi, dá iyapu-Nea in mata monia. Bo kon dodaipa doman tatua bo nokoindoi bo poḷat in mosia dinumudui kon i Yesus.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

DATU MITA 2 4:42

Kon wakutu ibanea doman, ḷoḷaki tobatú in namangoi nongkon Baal-Salisa. Pinodiaannea mangoi in ki Elisa kon gandum inta bagupa iratab bo roti doman doyowa nopuḷú inta pinomia nongkon gandum bungainea dungkuḷ totok kon taong tatua. Pinoki silai i Elisa in roti mita tatua kon nabi mita tatua,

MATIUS 14:13

Naonda in ki Yesus nokodongog kon habar tatua, Sia nonaḷámaidon kon tampat tatua bo iyumayú, sinumakoi in Sia kon uangga bo minayá in tampat inta noingongow. Táe naonda in kinodongogan in intau moantó nomatuk in mosia, táe nongin toba nongkon ḻipú mita monia.

MATIUS 15:33

Murí-Nea mita in noguman kon i-Nia: “Kon ondabí in kouḻían naton kon kaanon inta tugat kaanon in intau mita tanion, apapa doman kita naa noyayú kon ḻipú?”