MATIUS 15:25 - Alkitab Singog In Mongondow Masa In Tanaa

²⁵ Bobay tatua in dinimiug bo nosumba kon i-Nia bo noguman bui, “Tuhan tuḷungaipa in akuoi.”

MATIUS 15:25 Referans Kwoze

MARKUS 9:22

“Mokakitdon in dimukud moraat tatua moḷongasi moḻimod kon inia takin pogonagnea kon tuḷu ande kon bonu in tubig. Aka ki Pak Guru mokotuḷungbí dá kotabipa in kami bo tuḷungaipa!”

MATIUS 20:31

Táe intau moantó tatua in nongampag kon i monia, sinbá mosia in kibio-biómaidon, táe tongábí mokodugang kon ropot monia momaḷú, “Tuhan, Adí i Daud, kotabipa in kami!”

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

HOSEA 12:4

Pinangkoipa kon bonu in bobuḷadían, ki Yakub mogoguyang monia ain nonisí kon i Esau ki utatnea apang; bo naonda in noitoidon, ki Yakub noridomok i Allah.

KINOBAḺIAN 32:26

Bo intau tatua in noguman, “Pomayádon mako akuoi mayá, sin mobayagdon in naa.” Ki Yakub in notubag, “Diábí pomayáku mako in ki Tuang tongá mayá mako natua, koḻikudbí in aka ki Tuang momarakatdon kon inakó.”

MARKUS 9:24

Baḷú nomaḷú in ki amá in adí tatua, kainia, “Tuhan, mopirisaya in akuoi, táe noyakagpa in pirisayaku. Tuḷungaidon sinbá modugangdon in pirisayaku!”

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 15:26

Ki Yesus in notubag, “Diá motaau in mogamá kon kaanon inta aindon sinadia kon adí mita bo ogoi kon ungku.”