MATIUS 14:36 - Alkitab Singog In Mongondow Masa In Tanaa

³⁶ Mosia nopoigum sinbá ogoi-Nea in mosia moḻiai kon ubung in jubah-Nea. Komintan intau inta noroḻiai kon i-Nia, nongopia.

MATIUS 14:36 Referans Kwoze

LUKAS 6:19

Komintan intau in moḷongasi moḻiai kon i Yesus, sin oyúon in kawasa ḷumuai nongkon i-Nia inta mokopia kon i monia komintan.

MARKUS 3:10

Bo nobayong totok in intau inundaman-Nea, dá bayongan in intau notakit komintan moḷongasi dimiug kon i Yesus bo moḻiai kon i-Nia.

OUMAN IN RASUL MITA 3:16

Bo popisí in intau tanaa nopirisaya kon tangoi i Yesus dá tuata in nokoroton kon intau inta inontong monimu tanaa. Popisí in intau tanaa nopirisaya kon i Yesus dá nosehatdon bui in sia kon tayowon monimu komintan.

YOHANES 7:23

Aka tua pomiaan monimu sinbá diá moḷawang kon atorang i Musa soaḷ sunat, yo nongonu sin moiko in tumorúbí kon i-Nakó tongá popisí in nongundam kon bayongan awak intau kon singgai in Sabat?

YOHANES 6:37

Bayongan in intau inta inogoi i Amá-Ku kon i-Nakó in mamangoibí kon i-Nakó. Ki inekabí in mamangoi kon i-Nakó diábí in diá tarimaan-Ku.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MATIUS 14:35

Bo naonda intau mita kon tua nokotaaumai kon inta namangoi tua in ki Yesus dá pinotaa-taau mako monia kon ḻipú mita inta noyodiugmai kon tua. Bo komintan intau inta nongotakit dinia kon i-Nia.

MARKUS 6:56

Kon ondakabí in bayáan i Yesus, kon ḻipú, kon kotá ande kon desa, intau mita in umuranbí doman mopodondon mangoi in intau mita mongotakit. Intau mita motakit tatua uḻidon monia kon tampat moḷuas. Bo totok in poigumon monia kompé intau mita motakit tatua ogoi moḻiai kon jubah i Yesus, umpakabí tongá ubungnea. Komintan intau inta noḻiai nongopia.

MARKUS 8:22

Mosia noiyaputdon kon Betsaida. Kon tua oyúon in intau tobatú nodia mangoi kon intau tobatú bilog kon i Yesus. Sia nopoigum kon i Yesus sinbá yapuon-Nea in intau bilog tatua bá mopia.