50 Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”
Bayongan tua in daiton pogonag kon bonu in tuḷu; kon tua kodongogan in amui bo roriga.
Táe intau mita inta sabanarnea mobaḻí tombonu in soroga toko pogonagdon kon tampat inta mosindip totok. Kon tua kodongogandon in ombaḷ bo roriga.”
Ki ine in doí dumudui kon parenta tanaa, yo baḷúdon pogonag kon tuḷú inta koyogot in modokot.”
“Komangaḻean monimu in singog-Ku tua?” Mosia notubag: “Oo, komangaḻean nami!”