MATIUS 13:5 - Alkitab Singog In Mongondow Masa In Tanaa

⁵ Oyúon doman in noḷabú kon butá inta noantó in batu. Batoḷ tatua in ḷagi nobiag sin nonipit in butánea.

MATIUS 13:5 Referans Kwoze

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MATIUS 13:20

Yo aka batoḷ inta noḷabú kon sigad in butá inta mobarong in batu, tua in mangaḻenea, intau inta nokodongog kon pirman tatua, bo baḷunea sinarima takin pia in gina.

ZAKHARIA 7:12

Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai.

AMOS 6:12

Yo degá mokoribatukpa in kabaḷo kon buḷud batu? Nokoimontandon degá in intau nopomajeko in sapi kon dagat? Táe moiko in nonuuidon kon kooadil nobaḻí rasum inta mokopatoi, bo inta moitutui mobaḻí moitaḷá.

MATIUS 13:4

Kon wakutu in sia nogambor oyúon batoḷ in noḷabú kon bingkí in daḷan. Bo ḷagapan in namangoi bo kinaannea nodait intua.

MATIUS 13:6

Táe naonda in nomukádon mata in singgai, biagnea tatua in noḷaḷow bo noingkag sin diá nonguakat.

MARKUS 4:5

Oyúon bibit inta noḷabú kon tampat inta nobayong in batu bo butánea tongá topiḻik. Bibit tatua ḷagi nobiag sin noyakag in butánea,

MARKUS 4:16

Bibit inta noḷabú kon tampat inta nobayong in batu, ibarat intau mita inta nokodongog kon habar tatua, bo baḷú sinarimanea takin sanang in gina.