MATIUS 11:3 - Alkitab Singog In Mongondow Masa In Tanaa

³ dá nopotabádon in sia kon murínea mita noḻibó kon i-Nia nanaa: “Degá Ikodon naa in intau inta mamangoi podudui in dandi i Allah, andeka mogoḷatpa degá bui in kami kon intau ibanea?”

MATIUS 11:3 Referans Kwoze

YOHANES 11:27

“Tuhan,” kai Marta, “akuoi in mopirisayabí kon ki Tuhan in ki Adí i Allah, Datu Mopoposaḷamat inta mamangoi in dunia naa.”

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

YOHANES 7:31

Nobayong in kon sigad monia tua in nomangkoidon mopirisaya kon i-Nia, bo noguman, “Aka Datu Mopoposaḷamat tua in mamangoi, yo degá Sia mokoaid kon mobayo-bayong in inta mokoherang mita nongkon Intau tanaa?”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

YOHANES 16:14

Sia in mopoḷantudbí kon i-Nakó, sin onu in popotaau-Nea kon inimu, sinarima-Neabí nongkon i-Nakó.

YOHANES 12:13

Dá mosia nogamádon kon daun mita in palem bo minayá nonontomu kon i Yesus. Takin sanang in gina mosia in noguman, “Dayowdon in ki Allah! Binarakatandon in Sia inta namangoi kon bonu in tangoi Tuhan, Datu Israel!”

YOHANES 4:21

Ki Yesus in noguman kon inia: “Popirisayadon, komintanmai intau in mosumba kon i Amá, deeman bidon kon tombuḷud tanaa bo deemanbí doman kon Yerusalem.

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

MARKUS 11:9

Mosia inta kon muna bo inta dumuduianmai nongkon tumi Yesus komintan mopobaḷú, “Dinayo-dayowdon in ki Allah! Binarakatandon in Sia inta namangoi kon bonu in tangoi Tuhan!

MATIUS 21:9

Bo intau moantó inta minaya-mayá kon muna-Neamai bo inta dumuduianmai kon tumi-Nea sindaḷan nomaḷú, “Saḷamat kon i Adí i Daud! Binarakatandon in Sia inta namangoi kon bonu in tangoi Tuhan! Dayowdon in ki Allah Inta Totok Moḷantud!”

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

HAGAI 2:7

Bayongan in bangusa in podoḻiokon-Kubí bo kapunyaan monia in diaandon mamangoi, dá Baḷoi-Ku in mopuḻing in kaoyúonan monia.

OBAJA 1:21

Intau in Yerusalem inta nountung in monubu kon Edom poḷat mopotungkud. Dá Akuoi ki Tuhan in momarenta mobaḻí datu.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

MAZMUR 118:26

Binarakatandon in sia inta namangoi pinodoyon kon tangoi Tuhan, barakatan nami in moiko nongkon Baḷoi Tuhan.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

KINOBAḺIAN 49:10

Ki Yohuda in mokadai kon tungkud in dodatuan, Buínea in momarenta dapot in mononoi. Bangusa mita in modia mangoi kon pajak, bo tumungkud takin moondok kon tayowonnea.

KINOBAḺIAN 12:3

Akuoi in momarakat kon intau mita inta momarakat kon inimu bo mongutuk kon intau mita inta mongutuk kon inimu. Bo popisí in iko dá Akuoi in momarakat kon bayongan in bangusa inta kon dunia naa.”

MATIUS 11:4

Dá ki Yesus in noguman kon i monia, “Bayádon bo poguman kon i Yohanes onu inta ain dinongog bo inontong monimu.

MATIUS 11:10

Sin sia tua inta ain pinais kon bonu in Buk Motusi nanaa: Indoiai, Akuoi ain nopotabá mangoi kon totabá-Ku umuna kon ini-Mu, sinbá sia in momontang kon daḷan bayáan-Mu.”