MATIUS 10:24 - Alkitab Singog In Mongondow Masa In Tanaa

²⁴ Diábí in murí moiḻiu kon gurunea, andeka simpaḷ moiḻiu kon i tuangnea.

MATIUS 10:24 Referans Kwoze

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

LUKAS 6:40

Murí in diábí moiḻiu kon gurunea. Táe aka murí tatua bo nopaḷutdon nobalajar, yo sia in motongkaidon in gurunea.

YOHANES 13:16

Totuubí in tosingogon-Ku naa: Tobatú ata in diábí moiḻiu kon i tuangnea, bo totabá in diábí moiḻiu kon inta nopotabá kon inia.

SAMUEL 2 11:11

Tubag i Uria, “Tontara in Israel bo Yohuda mopotarudon in kobiagan monia kon parang bo Poti Dodandian i Tuhan kotaki-takin monia; ki Yoab itoi nami takin porwiranea mita in nononḷoḷaigan kon tampat popoparangan. Yo umpaka akuoi in tongá mobui kon baḷoi, bo mongaan monginum poḷat mosiug takin i buḷoiku? Popisí in nyawa i Tuang bo nyawaku, yo diábí pomiaanku intua!”

MATIUS 10:25

Mobaḻídon aka tobatú murí motongkai in gurunea, andeka simpaḷ bo motongkai i tuangnea. Aka ki togi baḷoi bo tangoion ki Beelzebul, yo bambíkabí tombonu in baḷoinea tua.”