MATIUS 10:22 - Alkitab Singog In Mongondow Masa In Tanaa

²² Moiko in saturuon in bayongan intau sin moiko in murí-Ku. Táe ki ine in mokotahang modapot in kopaḷutannea, sia tua in mosaḷamat.

MATIUS 10:22 Referans Kwoze

MATIUS 24:13

Tongá intau inta monahang modapot in kopaḷutan tua komintan mosia in mosaḷamat.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

MARKUS 13:13

Moiko in kodoí in bayongan intau sin dumodudui-Ku. Táe mosia inta mokotahang dapot in pangabisan in posaḷamatonbí.”

MATIUS 10:39

Bo ki ine in moramuji mobiag yo sia in matoi, táe ki ine in matoi sin dinumudui kon i-Nakó, yo sia in mosaḷamat.”

YOHANES 1 3:13

Manangka intua, utatku mita, dikabí moherang aka moiko kodoí in intau mita in dunia naa.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

YOHANES 17:14

Pinotaau-Kudon kon i monia in Pirman i Amá bo mosia in sinaturu in dunia, sin deemanbí kapunyaan in dunia naa in mosia, ná doman Akuoi inta deemanbí kapunyaan in dunia.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

KORINTUS 2 4:11

Kon wakutu in mobiagpa, kami in umuran noyogintayow in popatoi sin nopotaau in habar soaḷ ki Yesus Kristus, sinbá kobobiag i Yesus moniata doman kon awak inta diá mononoi naa.

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

YOHANES 7:7

Moiko in diábí kodoí in dunia naa. Táe Akuoi in memang kodoíbí in dunia naa, sin Akuoi in umuran moguman kon dunia kon oaidnea in moraat.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

WAHYU 2:26

Mosia inta nountung bo nodapot in pangabisan in umuran nogaid kon onu inta kinoibog-Ku, mosia ogoian-Ku in kawasa ná kawasa inta inogoi i Amá-Ku kon i-Nakó. Mosia in motarima kon kawasa nongkon i-Nakó sin momarenta kon bangusa mita takin tungkud uatoi, bo morimumud kon bangusa mita ná morimumud kon kuyon butá.

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

AMSAL 29:27

Intau mopia in diábí mopia in ginanea kon intau moraat; intau moraat in doíbí kon intau mopia.

LUKAS 21:17

Moiko saturuon in bayongan intau sin moiko in murí-Ku.

LUKAS 21:19

Aka moiko monahang bo mokosabar, yo mosaḷamatbí.”