MATIUS 1:21 - Alkitab Singog In Mongondow Masa In Tanaa

²¹ Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

MATIUS 1:21 Referans Kwoze

OUMAN IN RASUL MITA 13:23

Nongkon buí i Daud tuata, podudui in dandi-Nea, Sia in moposadia in tobatú Datu Mopoposaḷamat kon bayongan in intau Israel, dá Sia tuata in ki Yesus.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 1 3:5

Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.

LUKAS 2:21

Naonda in umurdon waḷu nosinggai, Adí tatua sinunat. Bo sinangoian monia ki Yesus, tangoi inta pinoki ponangoi in malaekat kon i-Nia wakutu in diápa kon bonu in sian i iná-Nea.

OUMAN IN RASUL MITA 5:31

Ki Yesusbí tua inta ain inogoian ḷoḻitúan bo kawasa moḷantud saḷaku Itoi bo Mopoposaḷamat, sinbá intau in Israel ogoian in wakutu mogogai in mogaid kon dosa, bá ampungan in mosia.

LUKAS 1:31

Iko in mobaḻí sidia bo nopolahir in adí ḷoḷaki, bo musti tangoianmu ki Yesus in Sia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

OUMAN IN RASUL MITA 3:26

Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

KINOBAḺIAN 18:10

Tobatú inta kon sigad nayatoḷu tua in noguman, “Siowpa nobuḷan Akuoi in momangoi bui. Bo kon dodai intua ki Sara ki buḷoimu in kogadídon kon adí ḷoḷaki.” Kon dodai intua ki Sara nokidongog mako nongkon ḷoḻingkop in ḷoḷaigan, inta kon tumimai in mokokiangoi mita tatua.

LUKAS 1:13

Táe kain singog in malaekat tatua kon inia, “Dika moondok Zakharia, sin mintahangmu inindongogandon i Tuhan, dá ki Elisabet ki buḷoimu tua in mopolahirbí in adí ḷoḷaki, bo mustibí tangoianmu ki Yohanes in adí tatua.

YEREMIA 33:16

Intau in Yohuda bo intau inta nogutun kon Yerusalem in posaḷamatonbí bo mobiag moaman. Kotá in Yerusalem in tangoian ‘Tuhan Mopoposaḷamat Naton’.

KINOBAḺIAN 17:19

Táe ki Allah in noguman, “Deeman. Ki Sara ki buḷoimu in mopononggadíbí in adí ḷoḷaki tobatú bo tangoianmu in adí tatua ki Ishak. Akuoi in kumadaibí tantú kon dodandian-Ku takin adí tatua bo takin buínea kinopopaḷutbí in dunia naa. Dodandian tatua in mononoi.

KINOBAḺIAN 17:21

Táe dodandian-Ku in popotogot-Kubí kon i Ishak, ki adímu inta pononggadí i Sara, taong moiduduimai degá ná doman kon oras tanaa mako.”

HAKIM MITA 13:3

Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

SAMUEL 1 1:20

Bobay tatua in nonogusian bo nopononggadí in adí ḷoḷaki tobatú. Sinangoiannea ki Samuel, gumannea, “Sia in pinoigumkudon kon i Tuhan.”

MATIUS 1:25

Táe diápabí siniugannea in ki Maria nodapot in adí tatua pinononggadí. Bo naonda in adí ḷoḷaki tatua pinononggadídon, dá sinangoian i Yusup ki Yesus in Sia.

YOHANES 4:42

Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”