MATIUS 1:20 - Alkitab Singog In Mongondow Masa In Tanaa

²⁰ Tongá kon wakutu in sia koyogot nopomiki-mikirmai kon makusudnea tatua, malaekat i Tuhan namangoi kon inia kon bonu in togoindop bo noguman: “Yusup, buí i Daud, donaaibí moondok iko motonibuḷoi takin i Maria, sin adí inta kon bonupa in siannea tua in nobaḻí sin kawasabí in Roho i Allah.

MATIUS 1:20 Referans Kwoze

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 2:19

Naonda in ki Herodes minatoi, malaekat i Tuhan namangoidon bui nokipogontong kon i Yusup kon bonu in togoindop, bo noguman,

YOËL 2:28

“Kon singgai moiduduimai bayongan in intau in ogoian-Kudon in roho-Ku. Dá ki adímu ḷoḷaki bo bobay in mopotaaudon in koyow-Ku mita; intau mita inta noguyangdon mita kon yuakmu in tumogoindopdon oontongon in ogoidon kon tayowmobiag bo mongodeaga.

LUKAS 2:4

Ná doman tua in ki Yusup. Sia in nobuat nongkon ḻipú in Nazaret kon Galilea bo minayá in Betlehem butá in Yudea, ḻipú inta kinolahiran i Daud, sin sia in buí i Daud.

MATIUS 28:5

Táe malaekat tatua in noguman kon bobay mita tatua, “Dikadon moondok in moiko! Sin kinotaauankubí kon moiko in mamangoi motayak kon i Yesus inta ain pinopopakú kon kayu pinoyotaḻempang.

YESAYA 26:3

Tuhan, Iko mobogoi in dodamean bo kobiagan motompia kon intau inta moroton in ginanea, sin mopirisaya in sia kon ini-Mu.

HAKIM MITA 13:3

Táe kon singgai tobatú malaekat i Tuhan nokipogontong kon i buḷoinea bobay bo poḷat noguman, “Naa in koonggotnea iko in diábí nokouḻí kon adí, táe diá bidon moonggot bo iko in monogusiandon, bo mokouḻí kon adí ḷoḷaki.

KINOBAḺIAN 31:11

Bo malaekat i Allah noguman kon inakó kon bonu in togoindop tatua: ‘Yakub!’ Tubagku, ‘Ya Tuhan!’

MATIUS 2:22

Táe naonda in dinongognea kon ki Arkelaus in nobaḻí datu kon Yudea nomaḷui kon i Herodes ki amánea, noondok in sia in mayá intua. Táe malaekat in bui noguman kon inia kon togoindop, dá ki Yusup minayá in Galilea.

MAZMUR 143:8

Pomuḷoi in doḷo-doḷom ponoropdon kon inakó in tabi-Mu, sin kon ini-Mubí in andoḷanku. Tundúdon kon inakó in daḷan inta musti bayáanku, sin kon ini-Mubí in posambayanganku.

MAZMUR 119:125

Akuoi in mogogundoi-Mu, baḻídon in akuoi momangaḻe, sinbá komangaḻeanku in parenta-Mu.

MAZMUR 94:19

Aka ginaku moondok bo moyayow, Iko in moḻipoi bo moposanang in ginaku.

MATIUS 2:13

Naonda intau mita in Mayusi minayádon, malaekat i Tuhan nokipogontong kon i Yusup kon bonu in togoindop bo noguman: “Pobangondon iko bo gamádon in Adí tatua takin ki iná-Nea bo dia, poḷaguidon kon butá in Mesir bo pogutunpa kon tua modapot in Akuoi bui mosingog kon inimu, sin ki Herodes moḷongasi motayak kon adí tatua bo ḻimodon”.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

AMSAL 12:5

Intau motuḻid in moraibí kon onu mita inta mopia; intau moraat in monomayá kon naonda in pongonguboḷ.

DATU MITA IMITÁNEA 17:13

“Dika moḻia-ḻiaw in gina i Iná!” guman i Elia, “Aidaidon in kaanon i Iná bo in adí i Iná. Táe pounapa pogaidai kon roti mointok nongkon topong bo ḷana tatua, bo diádon mangoi.

YEREMIA 40:9

Ki Gedalya in noguman kon i monia, “Moiko in dikabí moondok in tumungkud kon intau in Babel. Pogutundon kon butá naton tanaa, bo koibogdon mobaḻí ata in datu in Babel. Mopirisayabí in akuoi kon mosaḷamatbí in moiko.

YEREMIA 31:22

Modapot in toonu moḻia-ḻiaw in ginamu, ei bangusa inta diá motoindudui kon i-Nakó? Akuoi in nomaḻídon kon inta mobagu kon dunia, tobatú inta diá notombuḷoi – naonda bo bobay diá motombuḷoi in moḷukad kon ḷoḷaki.”

YESAYA 51:7

Indongogaidon in Akuoi ei bangusa-Ku, kinotaauanbí monimu onu in totuu; totundú-Ku in noitagú kon bonu in ginamu. Dika moondok aka moiko singkuḻeon in intau, dika moḻia-ḻiaw in gina aka moiko singkuḻeon monia.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

KINOBAḺIAN 46:3

“Akuoi ki Allah, inta sinumba i amámu,” guman-Nea. “Dika moondok in mayá kon Mesir. Baḻíon-Ku in buímu bangusa inta moḷoben kon tua.

YESAYA 7:2

Kon dodai in ki datu in Yohuda nokodongog kon tontara in Siria in sinumuotdon kon butá in Israel bo nobaḻídon totakin, sia takin bangusanea totokdon in noondok, nodapot in gugurdon mako in mosia naonda bo pangkoi in kayu inta dinandú in tompot.

YESAYA 7:13

Bo ki Nabi Yesaya in noguman, “Aka natua, indongogai uḻe buí i Datu Daud! Diápa tugat in moiko in monungkuḷ kon kososabar in intau, modapot in moiko in monungkuḷ doman kon kososabar i Allahku?

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

MATIUS 2:12

Bo popisí in mosia aindon kinoyowan kon bonu in togoindop sinbá donaaidon mayá bui kon i Herodes. Dá mosia nobuidon kon ḻipú monia tontaní táe nongin daḷan ibaneadon.

MATIUS 27:19

Wakutu in ki Pilatus ḻimitúpa mako kon baḷoi pongadilan, ki buḷoinea nongoyow kon inia, “Donaai iko dumugang kon pelekara in intau mopia tanion, sin lantaran Sia yo akuoi in sinumogoindop kon diá mopia in kogobíi.”

OUMAN IN RASUL MITA 5:19

Táe nodoḷom monag, tobatú malaekat i Tuhan nomukat kon ḷoḻingkop mita in ponjara tatua bodongka nodia kon i monia iḷumuai. Malaekat tatua in noguman kon rasul mita tatua,

WAHYU 19:7

Koḻigai in kita mokopoḷungangadon kon gina bo moyogiyow modayow kon i-Nia! Sin nodapotdon in singgai ponikaan i Adí in Domba bo nonikaan-Nea in nobasadiadon.