MATIUS 1:2 - Alkitab Singog In Mongondow Masa In Tanaa

^2-6a Ki adí i Abraham ki Ishak, ki adí i Ishak ki Yakub, ki adí i Yakub ki Yohuda bo ki utatnea mita, ki adí i Yohuda kon i Tamar ki Peres bo ki Zerah, ki adí i Peres ki Hezron, ki adí i Hezron ki Ram, ki adí i Ram ki Abinadab, ki adí i Abinadab ki Nahason, ki adí i Nahason ki Salmon, ki adí i Salmon kon i Rahab ki Boas, ki adí i Boas kon i Rut ki Obed, ki adí i Obed ki Isai, ki adí i Isai ki Datu Daud.

MATIUS 1:2 Referans Kwoze

OUMAN IN RASUL MITA 7:8

Sunat in nobaḻí tanda kon dodandian tatua. Dá naonda in ki Ishak inta ki Adí i Abraham noilahirdon, adí tatua pinoki sunat kon singgai iwaḷunea; ki adí i Ishak in ki Yakub. Yo ki adí i Yakub tua in mopuḷú bodoyowá inta nobaḻí mogoguyang naton.

KINOBAḺIAN 25:26

Kon tungkuḷ adí induanea pinononggadí, ḻimanea nokadai kon singkod i Esau. Tuamai in sia sinangoian ki Yakub. Ki Ishak in umurdon onom nopuḷú notaong tungkuḷ in ki adínea doyowa tatua pinononggadí.

WAHYU 7:5

pomuḷoi in suku pinogamáan kon tumopopuḷú bodoyowa noribu in intau. Naa in tangoi in suku mita Israel tatua: Yohuda, Ruben, Gad,

IBRANI 11:11

Popisí in mopirisaya, dá ki Abraham in nokouḻí kon buí nongkon i Sara umpaka nogoguyangdon in sia bo bantó doman in ki Sara ki buḷoinea. Ki Abraham noyakinbí kon totuuonbí i Allah in dandi-Nea tatua.

YESAYA 51:2

Toropdon in mogoguyangmu ki Abraham bo ki Sara inta nopononggadí kon i monimu; kon tungkuḷ in Akuoi nogoiní kon i Abraham, Sia in diá kogadí; bo binarakatan-Ku in sia bo inogoian-Ku in buí inta mobayong.

YESAYA 41:8

Táe iko, Israel, mogogundoi-Ku, umat inta piniḻí-Ku, iko in buí i Abraham, yobayat-Ku.

TAWARIKH 1 1:34

Ki Ishak ki adí i Abraham in kogadí kon adí ḷoḷaki doyowa, ki Esau bo ki Yakub (inta sinangoi doman Israel).

TAWARIKH 1 1:28

Ki Abraham in kogadí kon adí ḷoḷaki doyowa, ki Ishak bo ki Ismael.

IBRANI 7:14

Kinotaauan bidon in bayongan imang kon ki Tuhan naton nongkon sukubí in Yahudi. Diábí kon dodai in onda in kinotangoian i Musa in suku tatua wakutu in sia nongonguman kon soaḷ imang mita.

KINOBAḺIAN 25:19

Naadon in riwayat i Ishak, ki adí i Abraham.

MATIUS 1:1

Nanaa in asaḷ-usuḷ i Yesus Kristus, buí i Daud inta buí i Abraham.