MARKUS 9:22 - Alkitab Singog In Mongondow Masa In Tanaa

²² “Mokakitdon in dimukud moraat tatua moḷongasi moḻimod kon inia takin pogonagnea kon tuḷu ande kon bonu in tubig. Aka ki Pak Guru mokotuḷungbí dá kotabipa in kami bo tuḷungaipa!”

MARKUS 9:22 Referans Kwoze

LUKAS 7:13

Naonda in ki Yesus nokoontong kon boba-bobay tatua noḻiai in ginanea sin tabi-Nea. Dá Sia in noguman nanaa, “Donaaidon mongombaḷ!”

MARKUS 5:19

Táe ki Yesus in noguman kon inia, “Pobuidon bo potaaudon kon i utatmu mita bo kon ginaḷummu mita in bayongan inta inaidan i Tuhan kon inimu, bo ki Tuhan in mopia totok kon inimu!”

MATIUS 20:34

Bo noḻiaidon in gina i Yesus sin notabi, dá iyapu-Nea in mata monia. Bo kon dodaipa doman tatua bo nokoindoi bo poḷat in mosia dinumudui kon i Yesus.

MATIUS 14:31

Dá siningkap i Yesus in ḻima-Nea, bo poḷat noguman kon i Petrus nanaa, “Ei intau inta diá totok mopirisaya. Nongonu sin moḻia-ḻiawbí in ginamu?”

MATIUS 9:28

Bo naonda in ki Yesus sinumuot kon baḷoi tobatú namangoi domandon kon i-Nia in intau bilog taya dua tua, dá ki Yesus noḻibó kon i nayadua, “Eta mopirisaya in moiko kon Akuoi mokopia kon i monimu?” “Mopirisaya, Amá!” tubag monia.

MATIUS 8:2

Kon sigad monia oyúon doman tobatú intau inta pinanyaki kuḻit inta mokorongó. Sia in namangoi bo sinumungkud poḷat nosumba kon i Yesus, takin noguman, “Tuang, aka ki Tuang moibog mongundam, yo mopiabí in akuoi.”

MATIUS 17:15

“Tuhan, kotabipa kaasí in ki adíku, sin sia in notakit, takit in manuk, bo totok in moyoyiga. Sia saḷaḷu moitubá bo tantú doman moḷabú kon tubig.

MARKUS 9:21

Ki Yesus in noḻibó kon i amá in adí tatua, “Dodaipa onda in sia nanaa?” “Nongkon mointokanpamai!” tubag i amánea tua.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”