MARKUS 9:18 - Alkitab Singog In Mongondow Masa In Tanaa

¹⁸ Aka kotoḷangan dimukud moraat, yo monontaḻebug in sia kon butá, bibignea boburaan, ingipon morokokot bo awaknea in motorondó. Pinoigumkudon kon murí-Mu mita moguntun kon dimukud moraat tatua, táe diá mokountun in mosia.”

MARKUS 9:18 Referans Kwoze

MARKUS 11:23

Dá totuu kon moiko in motaaubí moguman kon buḷud tanaa, ‘Pobuatdon bo ḷabúdon kon bonu in dagat!’ bo mobaḻíbí doman intua kon i monimu; asaḷ bo diá moḻia-ḻiaw in gina monimu, bo mopirisaya in moiko kon onu inta siningog monimu tua in totu-totuubí mobaḻí.

MARKUS 9:26

Dimukud moraat tatua nomaḷú, bodongka sinorondónea in awak in adí tatua, bo iḷumuai nongkon adí tatua. Ontongon nádon onda bo mayat in adí tatua, sahingga in komintandon intau nosingog, “Minatoidon sia!”

MARKUS 9:20

Dá dinia monia kon i Yesus in adí tatua. Wakutu in dimukud moraat tatua nokoontong kon i Yesus, pinotorondónea in awak in adí tatua dá noḷabú noitangkuḻitod. Bo iḷuaian burá in bibignea.

MATIUS 17:16

Aindon pinoki undamku kon murí-Mu mita, táe mosia in diá nokopia.”

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

MATIUS 8:12

Táe intau mita inta sabanarnea mobaḻí tombonu in soroga toko pogonagdon kon tampat inta mosindip totok. Kon tua kodongogandon in ombaḷ bo roriga.”

AYUB 16:9

Pinongin torú ki Allah in nomera-merak kon awakku; takin noyaat totok in gina inimindoi in Sia kon inakó.

MARKUS 9:17

Dodai intua oyúon in tobatú intau kon sigad intau moantó tatua noguman, “Pak Guru, akuoi in nodia kon i adíku poangoi kon i Pak Guru. Sia in nobobó sin popisí in kinotoḷangan in dimukud moraat.

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”