MARKUS 9:11 - Alkitab Singog In Mongondow Masa In Tanaa

¹¹ Tuamai mosia noḻibó kon i-Nia, “Nongonu sin mototundú mita kon agama in Yahudi noguman kon ki Elia mustibí mamangoi muna?”

MARKUS 9:11 Referans Kwoze

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 11:14

Bo aka moiko moibog mopirisaya, yo ki Yohanes tuata in ki Elia inta koangoiannea in pinotaaudon muna.

MARKUS 9:4

Onda intua inontong in murí-Nea toḷu tua, ki Yesus nongonguman takin i Elia bo i Musa.

MARKUS 9:10

Dinuduian monia in koyow tatua, táe mosia tontaní in momangkoidon mongonguman mongo onu in makusud in singog i Yesus, “mobiag bui nongkon kinopatoian”.