MARKUS 7:7 - Alkitab Singog In Mongondow Masa In Tanaa

⁷ Diá in mangaḻe in posumbaan monia kon i-Nakó, aka atorang intau yo tundúon monia naonda bo atorang-Ku intua!’

MARKUS 7:7 Referans Kwoze

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

MATIUS 15:9

Diábí in mangaḻenea posumbaan monia kon i-Nakó, sin onu in sinundú monia tua atorangbí in intau.’ ”

YAKOBUS 1:26

Aka oyúon in tobatú intau inta monganggap kon sia tua in motoḷutui in mopobayá kon parenta in agama, táe sia in diá mokotahang in diá mosingog kon intau, dá nonguboḷdon in sia kon inia tontaní; bo diádon mangaḻe in ibadanea tatua.

KOLOSE 2:22

Bayongan atorang tatua in soaḷbí mita inta naonda in pakéon yo diádon in baragunanea. Tua in tongábí atorang bo totundú mita inta pinomia in intau.

MATIUS 6:7

Ná doman tua aka iko mosambayang, yo donaaidon ḷanggo-ḷanggóon naonda bo kabiasaan in intau inta diá nonotaau kon i Allah. Sin sinangka monia aka sambayang bo moḷanggó yo tua in tarimaan i Tuhan.

TITUS 3:9

Donaai tongá mobobayowan kon soaḷ mita inta diá baraguna, bo mongonguman kon asaḷ usuḷ, ande morogenggeng bo moropatoi kon soaḷ hukum in agama. Sin tua komintan diábí in baragunanea bo diábí doman in kauntungannea.

WAHYU 22:18

Kon i monia inta nokodongog kon onu inta pinoguman kon bonu in buk tanaa, akuoi, ki Yohanes, mobogoi in tompoingat tanaa; aka intau modugang kon tosingogon inta pinotaau tanaa, dá dugangan doman i Allah in roriga mita kon inia ná inta ain pinais kon bonu in buk tanaa.

SAMUEL 1 12:21

Dikadon dumudui kon dewa mita inta diá mokotuḷung bo moposaḷamat kon i monimu, sin mosia tua in sabanarnea in diábí.

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

YAKOBUS 2:20

Mobodok totok in moiko! Degá paraḷupa poontong kon i monimu kon diábí in mangaḻenea aka pirisaya diá poyotakinon in oaid?

MALEAKHI 3:14

Moiko in noguman, ‘Diábí in mangaḻenea in mogundoi kon i Allah. Onubí in baragunanea in mopobayá in oaidan naton kon i Tuhan Inta Totok in mokawasa, andeka mopoontong kon i-Nia kon kita in nomanasaḷdon kon aid naton inta noitaḷá?

KORINTUS 1 15:14

Bo aka kuma ki Kristus diábí biniag bui nongkon kinopatoian-Nea, dá diábí in baraguna in onu inta ain pinotaau nami bo diábí doman in baraguna in pirisaya monimu.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.