MARKUS 7:21 - Alkitab Singog In Mongondow Masa In Tanaa

²¹ Sin inta nongkon bonubí in gina, inta nomuká nongkon raian mita inta moraat in mokopopisí kon intau mogaid kon inta mokooyá ná, monakow, moḻimod,

MARKUS 7:21 Referans Kwoze

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

MATIUS 15:19

Sin nongkon bonu in gina momuká in bayongan raian inta moraat, poḷoḻimod, pononuaḻing, pogogaid kon inta moromú pononakow, ibot inta diá totuu bo rebeg.

OUMAN IN RASUL MITA 8:22

Tuamai Inggamáaidon in raianmu inta mongoraat bo poigum kon i Tuhan sinbá ampungan-Nea in raianmu mita tatua!

YEHEZKIEL 38:10

Ki Tuhan Inta Totok in moḷantud in noguman kon i Gog, “Kon dodai intua iko in mogaid kon tomayá inta moraat.

MATIUS 9:4

Táe kinotaauandon i Yesus in raian monia tatua, tuamai Sia in noḻibó, “Nongonu sin moiko in moraibí kon soaḷ mita inta moraat kon bonu in ginamu?

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

YAKOBUS 2:4

Aka natua in aidan monimu, yo moiko in nopoyoposidon kon tumpaḷa intau bo monilai kon intau podudui in raian inta moraat.

AMSAL 4:23

Ḷukadai in ginamu kopira, sin ginamu in monantúbí kon daḷan in kobiaganmu.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

MAZMUR 53:3

Nongkon soroga ki Tuhan in moindoi kon umat intau, sin motayak kon intau mobijak inta nosumba kon i-Nia.

MAZMUR 14:3

Táe bayongan in intau ain sinumabat bo moraat, diádon tobatúmai in intau in nogaid kon inta mopia.

SURAT I PAULUS KON JAMAAT RUM 7:8

Táe pinongin hukum agama, dosa in nokouḻí kon kasampatan mopomuká kon bayongan ibog moiḻiu kon bonu in ginaku; sin aka hukum in agama bo diá, yo dosa tua in matoibí.

OUMAN IN RASUL MITA 5:4

Butá tatua in butámubí wakutu in diápa pinotaḷuimu. Bo naonda in pinotaḷuimudon, boḻinea in ikobí doman in kitogi. Dá nongonu sin monomayábí in iko kon diá mopia natua? Deemanbí intau in inuboḷanmu, táe ki Allahbí!”

AMSAL 15:25

Ki Tuhan in mogumpagbí kon baḷoi in intau inta motosiḷantud, táe butá in intau boba-bobay ḷukadan-Nea.

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

AYUB 25:4

Degá intau motusi kon mata i Allah? Degá nodarit kon tayowon-Nea?

AYUB 14:4

Motaau degá in intau baradosa mokopoangoi kon inta motompod?

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

SURAT I PAULUS KON JAMAAT RUM 7:5

Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.

MAZMUR 53:1

Kon i itoi in mododondong. Podudui in dondong: Mahalat. Dondong topotundú i Daud.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

MAZMUR 119:36

Ogoiaidon in akuoi in ibog dumudui kon atorang-Mu, moiḻiu kon ibog mobaḻí mooyúon.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

YEREMIA 16:12

Táe moiko in nogaid kon moiḻiu in raat bui. Moiko in pamandot bo tongá dumudui kon ibogmu tontaní inta moraat. Moiko in doí tumoḷutui kon i-Nakó.

MARKUS 7:20

Ki Yesus in noguman bui, “Inta iḷumuaibí kon intau in mokokotor kon inia.

MARKUS 7:22

monuaḻing, monguboḷ, moponapud in diá totuu, bo mogaid kon bayongan inta moraat, modunia, diá koendar, mointoi, mokaḷakuang, bo moyoyiga didikon.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).