MARKUS 7:10 - Alkitab Singog In Mongondow Masa In Tanaa

¹⁰ Ki Musa in nobogoidon in parenta nanaa, ‘Horomatdon in ki amá bo ki inámu,’ bo ‘Ki ine in moposingo-singogmai kon i amá ande kon i inánea, musti hukumon matoi.’

MARKUS 7:10 Referans Kwoze

IḶUAIAN 21:17

Ki ine in mogodi-godimai kon i amá ande kon i inánea, musti hukumon matoi.

IḶUAIAN 20:12

Horomatbí in ki amá bo ki inámu, sinbá moiko mobiag motompia bo moumur in kobiagan kon butá inta ogoi-Ku kon inimu.

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

IMAMAT 20:9

Ki Tuhan nobogoi in atorang mita tanaa, “Intau inta mogodi-godimai kon i amánea ande kon i inánea musti hukumon matoi. Sia matoi popisí in taḷánea tontaní.

MATIUS 15:4

Ki Allah aindon noguman, ‘Horomatdon in ki amá bo ki inámu,’ bo ‘Ki ine in mogodi-godimai kon i amánea bo kon i inánea yo musti hukumon matoi.’

MARKUS 10:19

Tantú kinotaauanmu bidon in parenta i Allah tanaa, ‘Dika moḻimod, dika monuaḻing ande mokituaḻing, dika monakow, dika moposakusi in inta diá totuu bo dika monguboḷ, horomatbí in ki amá bo ki inámu.’ ”

AMSAL 30:17

Intau inta moningkuḻe kon i amánea andeka kon i inánea inta ain nogoguyang, patusbí pogambat kon ḷuai sinbá matanea padokon in ḷagapan kawag bo awaknea in kaanon in ḷagapan boniá.

AMSAL 20:20

Intau inta mogodi-godimai kon guyanganea, kobiagannea in moinggamábí naonda bo togá inta mopiong kon doḷom inta sindip.

ULANGAN 27:16

‘Kinutuk in intau inta diá mohoromat kon guyanganea bo mopomayá mako kon i monia.’ ‘Amin!’