MARKUS 6:9 - Alkitab Singog In Mongondow Masa In Tanaa

⁹ Pogisapatubí táe donaai modia kon ḷambung doyowa no par.”

MARKUS 6:9 Referans Kwoze

OUMAN IN RASUL MITA 12:8

Onda intua malaekat tatua in noguman, “Pakédon in ḷambung bo sapatumu.” Dá pinaké doman i Petrus in ḷambung bo sapatunea. Malaekat tatua bui noguman, “Paké domandon in jubahmu bo koḻigai dudui kon inakó.”

EPESUS 6:15

Bo ginamu inta mobayag in mopoyaput in Habar Mopia inta mokopoangoi kon kobiagan motompia, tua in baḻídon sapatumu.

MATIUS 3:11

Akuoi mopobaptis in tubig kon i monimu, saḷaku bukti kon moiko aindon mogogai in mogaid kon inta diá mopia, táe Sia inta mamangoi moiduduimai kon inakó naa, kawasa-Nea moiḻiu totok kon inakó, sedang tongá mobuka kon togot in sapatu-Nea yo diá patus in akuoi. Sia in mopobaptis kon i monimu in Roho i Allah bo tuḷu.

MATIUS 10:10

Donaai in moiko mobaḷun kon binayáan, donaaidon modia kon ḷambung doyowa no par, aip in sioḷ andeka tungkud, sin intau inta mogaid patusbí motarima kon boḻi in pinogaidannea.

MARKUS 6:8

Naa in koyownea kon i monia, “Donaai modia kon onu bo onu in kon bonu in bobayáanmu, koḻikud in tungkud. Donaai modia kon baḷun andeka botutu in sumbangan ande doit.

MARKUS 6:10

Ki Yesus in noguman doman, “Aka moiko tarimaan kon tobatú baḷoi, yo pogutun kon tua modapot in moiko mobuatdon bui nongkon kotá tatua.