MARKUS 6:6 - Alkitab Singog In Mongondow Masa In Tanaa

⁶ Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.

MARKUS 6:6 Referans Kwoze

MATIUS 9:35

Natuata in inaidan i Yesus kon wakutu in Sia minaya-mayá mako in bayongan kotá bo ḻipu-ḻipúannea. Sia in nobogoi in totundú kon bonu in baḷoi mita pososambayangan bo nopoyaput in Habar Mopia kon naonda in ki Allah momarenta saḷaku Datu. Sia in nongundam doman kon bayongan takit bo yoyiga.

MATIUS 8:10

Naonda in dinongog i Yesus tosingogon in porwira tatua, noherang totok in Sia. Dá Sia in noguman kon intau mita inta dinumudui kon i-Nia, “Diápa kon dodai in onda in kinodungkuḷan-Ku in koḷoḷoben pirisaya ná tanaa kon sigad in intau in Israel!

LUKAS 13:22

Onda intua ki Yesus minayá in kotá-kotáan bo ḻipu-ḻipúannea bo sindaḷan mopoyaput in Habar Mopia mopobayá ná Yerusalem.

OUMAN IN RASUL MITA 10:38

Bo kinotaauanbí domandon monimu kon ki Allah ain nomiḻí kon i Yesus intau in Nazaret tua bo nobogoi kon i-Nia in Roho i Allah bo kawasa. Kinotaauan domandon monimu kon ki Yesus tuata inta minayá in ḻipu-ḻipúannea bo nogaid kon inta mopia poḷat nongundam kon bayongan in intau inta kinawasa in Ibilis, sin ki Allah in umuran kotaki-takin-Nea.

YESAYA 59:16

Noherang in Sia kon diádon in mamangoi bo diá in moduḷu. Dá nomaké in Sia in kawasa-Nea tontaní sin moposaḷamat bo mobogoi kon i monia in kountungan.

YOHANES 9:30

Intau tatua in notubag, “Mokoherangbí totok aka diá kinotaauan monimu mongo nongkon onda in Sia, bokaka bo binaḻí-Neadon nokoontong in Akuoi.

MATIUS 4:23

Ki Yesus minaya-mayá mako in bayongan ḻipú kon Galilea. Sia in sinumuot bo notundú kon bonu in baḷoi pososambayangan poḷat nopotaau in Habar Mopia soaḷ naonda in ki Allah mamangoi momarenta saḷaku Datu. Kon tua Sia nongundam doman kon bayongan panyaki in intau mita inta kon tua.

YEREMIA 2:11

Diápabí nokoimontanmai in bangusa tobatú in noponoḻiu in ilahnea umpaka tua deeman Allah totu-totuu. Táe, umat-Ku in noponoḻiudon kon i-Nakó, inta mokoyunggagá kon i monia sinoḻiuan monia in ibanea mako inta diá mokoaid kon onu bo onu.

LUKAS 4:44

Manangka intua ki Yesus minaya-mayá mako in bayongan baḷoi pososambayangan kon butá in Yudea bo nopoyaput in Habar Mopia tatua.

LUKAS 4:31

Onda intua ki Yesus minayá in Kapernaum, tobatú kotá kon Galilea. Kon tua in Sia nopoyaput doman in Habar Mopia kon singgai in Sabat.

MARKUS 1:39

Dá ki Yesus minaya-mayádon mako kon bayongan in ḻipú kon Galilea bo nopotaau in Habar Mopia kon bonu in baḷoi pososambayangan monia bo noguntun kon dimukud mita moraat.

MARKUS 10:1

Nongkon tua, ki Yesus nobuat bo minayá in butá in Yudea bo kon daerah inta kon ḷoḷan Ongkag in Yordan. Intau in nobayong doman in namangoi noyosipun kon diugmai Yesus. Bo ná biasamai ki Yesus mobogoi in totundú kon i monia.