MARKUS 6:22 - Alkitab Singog In Mongondow Masa In Tanaa

²² Kon rame tatua ki adí bobay i Herodias nomanari bo manarinea tatua nokosanang totok kon gina i Herodes bo kon mokokiangoinea mita. Dá ki Herodes in noḻibó kon adí bobay tatua, “Onu in kon ibogmu, yo igumdon. Ogoikubí kon inimu!”

MARKUS 6:22 Referans Kwoze

MATIUS 14:6

Tongá kon dodai in kinotompodan umur i Herodes, adí bobay i Herodias nomanari kon yua-yuak in mokokiangoi bo noposanang kon gina i Herodes,

DANIEL 5:2

Koyogot in mosia nonginumai, ki Belsyazar in nokigamá in palo mita buḷawan bo saḷaka, inta ain inagow i Nebukadnezar, ki amánea, nongkon Baḷoi i Tuhan kon Yerusalem. Makusud i Datu Belsyazar in bá intau mita moḷoben, ki buḷoinea mita, bo pahangnea mita bo sia doman tontaní, in monginum kon palo mita tatua.

MATIUS 11:17

‘Podondongan nami in moiko in dondong mokopia kon gina, táe doíbí in moiko motayok, podondongan nami in dondong mokopongoibu, táe doíbí in moiko mongombaḷ.’

MATIUS 14:3

Sin ki Yohanes ain pinoki domok bo pinoki tokig i Herodes bo binonunea kon ponjara. Soaḷ tatua noyotogot in persoalan i Herodias, ki buḷoi i Pilipus ki utatnea.