MARKUS 6:15 - Alkitab Singog In Mongondow Masa In Tanaa

¹⁵ Táe oyúon doman intau ibanea in noguman, “Sia nion ki Elia.” Oyúon in noguman, “Sia tua in tobatú nabi naonda bo tobatú nabi mita tungkuḷ intua.”

MARKUS 6:15 Referans Kwoze

MATIUS 21:11

Intau moantó tatua notubag, “Naadon in ki Nabi Yesus nongkon Nazaret kon Galilea.”

MARKUS 8:28

Tubag monia, “Oyúon in noguman: Ki Yohanes Mobobaptis, oyúon doman in noguman ki Elia, bo ibanea in noguman: tobatú nabi.”

MATIUS 16:14

Tubag monia, “Oyúon in noguman ki Yohanes Mobobaptis. Oyúon doman in noguman ki Elia, bo oyúon in noguman ki Yeremia andeka tobatú nongkon nabi mita.”

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

YOHANES 9:17

Dá intau mita in Parisi in noḻibó bui kon intau tatua, “Aka podudui in raianmu, yo naonda in soaḷ Sia inta nongundam kon matamu nion?” “Sia tua in nabibí,” tubag in intau tatua.

YOHANES 7:40

Nobayong intau in nokodongog kon onu in siningog i Yesus, bo kon sigad monia tua oyúon in noguman, “Intau tanion in totu-totuubí kon nabi inta pinodandi mamangoi tua!”

YOHANES 6:14

Naonda intau moantó tatua nokoontong kon inta mokoherang pinomia i Yesus, mosia in noguman, “Totuu, naabí in nabi inta i harap mako mamangoi in dunia!”

YOHANES 1:25

noḻibó kon i Yohanes nanaa: “Aka iko deeman Datu Mopoposaḷamat, deeman ki Elia, bo deeman doman tobatú nabi, yo nongonu sin iko i mobaptisbí?”

YOHANES 1:21

Dá bui iḻibó monia, “Aka natua, yo ki ine iko? Ki Elia degá iko?” Tubagnea: “Deeman”. “Tobatú nabi degá?” iḻibó bui monia. Táe ki Yohanes in notubag doman: “Deeman”.

LUKAS 9:19

Dá mosia in notubag, “Oyúon in noguman ki Yohanes Mobobaptis. Oyúon doman in noguman ki Elia, ibanea doman in noguman tobatú nabi tungkuḷ intua bo nobiag bui.”

LUKAS 9:8

Oyúon doman in noguman, “Ki Elia namangoidon bui, bo oyúon doman in noguman, tobatú nabi tungkuḷ intua nobiagdon bui.”

LUKAS 7:39

Naonda in inontong intau in Parisi inta nogoiní kon i Yesus nongaan, sia in nosingog kon bonu in ginanea, “Aka Sia naa bo totu-totuu nabi, yo tantú kotaauan-Neabí doman kon bobay tatua intaubí inta totok in binaradosa!”

LUKAS 7:16

Intau kon tua noondok komintan bo nodayow kon i Allah poḷat noguman, “Tobatú nabi inta moḷoben naadon kon yua-yuak naton! Bo ki Allah in namangoidon moposaḷamat kon umat-Nea!”

LUKAS 1:17

Sia in mobaḻí totabá i Tuhan inta moropot bo mokawasa ná ki Elia. Sia mopoyodame kon gina in guyanga bo adí, bo intau mita inta raian monia diá moitutui in potutuionnea bui. Tua in mangaḻenea kon sia in moposadia kon umat inta moibog dumudui kon parenta i Tuhan.”

MARKUS 6:16

Wakutu in kinodongogan i Herodes soaḷ tatua, sia in noguman, “Pasti Sia naa in ki Yohanes Mobobaptis inta ain pinoki ingguḷuku. Buidon in sia nobiag!”