MARKUS 5:23 - Alkitab Singog In Mongondow Masa In Tanaa

²³ bo totok in nopoigum nanaa kon i Yesus, “Pak Guru, ki adíku bobay notakit moyoyiga. Poigumonku ki Pak Guru mamangoipa moḻiai kon inia sinbá mopia bo diápa matoi!”

MARKUS 5:23 Referans Kwoze

LUKAS 13:13

Bo pinoukat-Nea in ḻima-Nea kon uḷu in bobay tatua, dá kon dodaipa doman intua sia in sinimindog notuḻid bo poḷat nodayow kon i Allah.

LUKAS 4:40

Naonda in tongkaná in tumoyopdon mata in singgai, komintan intau in nodia mangoi kon i utat mita monia inta notakit noyagi-yagimai sin angoion pokiundam kon i Yesus. Bo nodait iyapu i Yesus in mosia dá nongopia in takit mita monia tua.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

OUMAN IN RASUL MITA 28:8

Wakutu intua ki amá i Publius notakit pinonikan in patú bo momorubut. Dá ki Paulus sinumuot bo noindoi poḷat nosambayang bodongka nomarakat kon i amá i Publius bo kon dodaipa doman tua nopia in sia.

LUKAS 4:38

Onda intua ki Yesus in nonaḷámai kon baḷoi pososambayangan tatua bo minayá kon baḷoi i Simon. Kon tua ki guyá i Simon notakit pinonikan in patú bo irimintonow, dá pinoguman monia kon i Yesus in soaḷ tatua.

MARKUS 8:23

Kinadaian i Yesus intau bilog tatua bo kinapit-Nea minayá kon ḷuai in kotá. Onda intua dinuyáan i Yesus mata intau bilog tatua, bo kinadaian-Nea doman kon mata poḷat noḻibó, “Oyúondon degá in ontongonmu in tanaa mako?”

MARKUS 7:32

Kon tua, oyúon intau in namangoi kon i Yesus takin nodia kon tobatú intau bongoḷ bo bobó. Pinoigum monia kon i Yesus sinbá popoukat-Nea in ḻima-Nea kon uḷu intau tatua.

LUKAS 7:12

Naonda in mosia nodiugdon kon ngara in kotá tatua. Mosia noyodungkuḷ in intau mita inta nobuḻig kon minatoi sin poḷuai in kotá. Intau minatoi tatua in adí ḷoḷaki, adí tuḷong in intau inta boba-bobay. Nobarong intau in nongkon kotá tatua in dinumudui kon i iná in adí tatua.

MARKUS 6:13

Murí mita i Yesus tatua in noguntun kon mobayong in dimukud moraat, mosia nopoḻepo in ḷana Zaitun kon intau motakit bo nopia doman in intau mototakit tua.

MATIUS 8:3

Bo kinadaian i Yesus in intau tatua bo noguman: “Moibog in Akuoi. Dá kopiadon in iko!” Bo kon dodaipa doman tuata panyaki kusta in intau tatua nopia.

MAZMUR 107:19

Kon bonu in susa, mosia in nokuani kon i Tuhan, bo pinoḷuat-Nea in mosia nongkon roriga.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

DATU MITA 2 5:11

Nokodongogmai kon tua, sinumorú in ki Naaman bo noguman, “Kon inakó kamai dá siabí tontaní in ḷumuai bo mokipodungkuḷ kon inakó, bo mosambayang kon i Tuhan, Allahnea, bo moyapu kon awakku inta kinotugatan in takit tatua bo mopiadon in akuoi.

OUMAN IN RASUL MITA 9:17

Dá ki Ananias in minayá domandon in baḷoi tatua bo nomarakat kon i Saulus, kainia, “Saulus utatku, ki Tuhan Yesus inta ain nokipogontong kon i utat kon daḷan, wakutu in ki utat mopoangoi in naa, Sia doman tua inta nopotabá kon inakó mamangoi kon inimu sinbá ki utat in buipa mokoontong bo kawasaandon in Roho i Allah.”

OUMAN IN RASUL MITA 6:6

Taya pitu tua in dinia kon tayowon in rasul mita bo sinambayangan poḷat nopoigum sinbá barakatan i Tuhan in mosia.

YOHANES 11:3

Dá ki Maria bo ki Marta naa in minayá kon i Yesus bo nopotaau; “Tuhan, ki utat nami inta totok in kinotabi Tuhan tua notakit.”

MARKUS 5:24

Dá minayá in ki Yesus noyotakin i Yairus. Mobarong totok intau in sinumakin kon i-Nia, oyúon kon tumi, kon muna, kon koḷoigi, kon koḷanan moyo-moyogundud.

OUMAN IN RASUL MITA 8:17

Naonda in binarakatandon i Petrus bo i Yohanes dá mosia notarimadon kon Roho i Allah.

OUMAN IN RASUL MITA 9:12

bo kino taḻiontonganneadon kon oyúon in tobatú intau inta ki Ananias in tangoinea namangoi nomarakat kon inia, sinbá mokoontongpa bui in sia.”