MARKUS 5:21 - Alkitab Singog In Mongondow Masa In Tanaa

²¹ Ki Yesus minayá bui kon ḷoḷan in danow. Kon bingkí in danow tatua nobarong totok in intau in namangoi noyoḻipung kon ḻibumai Yesus.

MARKUS 5:21 Referans Kwoze

MATIUS 9:1

Onda intua ki Yesus sinumakoidon kon uangga bo iḷumeag minayá in ḷoḷan danow. Bo noidapotdon in Sia kon ḻipú-Nea tontaní.

LUKAS 8:40

Naonda in ki Yesus nobui mangoi, Sia sinontomu intau in mobayong takin pia in gina, sin mosia in dongkadon mogoḷat mako kon i-Nia.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

MARKUS 4:36

Dá ki Yesus sinumakoidon kon uangga takin murí-Nea mita bo nonaḷámaidon kon intau mobayong kon bingkí in Danow. Uangga mita ibanea kon tua doman. Onda intua ki Yesus bo murí-Nea mita iḷumeagdon.

MARKUS 5:2

Natua in ponag i Yesus kon uangga, Sia inangoian in tobatú ḷoḷaki inta nongkon angob mita poḷoḷobongan.