MARKUS 5:19 - Alkitab Singog In Mongondow Masa In Tanaa

¹⁹ Táe ki Yesus in noguman kon inia, “Pobuidon bo potaaudon kon i utatmu mita bo kon ginaḷummu mita in bayongan inta inaidan i Tuhan kon inimu, bo ki Tuhan in mopia totok kon inimu!”

MARKUS 5:19 Referans Kwoze

MAZMUR 66:16

Angoidon bo indongogaidon, ei bayongan in intau inta motoguondok kon i Allah, oumanonkudon onu inta inaidan i Allah kon inakó.

YOHANES 4:29

kai-nia “Koḻigai, mayá in kita moindoi kon intau inta nopotaau kon inakó kon bayongan inta ain pinomiaku. Degá bo Siabí tua in Datu Mopoposaḷamat?”

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

LUKAS 8:39

“Pobuidon iko kon baḷoimu bo daitdon ouman in bayongan inta ain inaidan i Allah kon inimu.” Dá intau tatua minaya-mayádon mako kon bayongan kotá bo nopotaa-taau mako in bayongan inta ain inaidan i Yesus kon inia.

MARKUS 5:20

Dá minayá domandon intau tatua, bo nomangkoidon nopotaau kon daerah mita inta sinangoi, “Kotá Mopuḷú.” Sia nopotaau kon onu inta ain pinomia i Yesus kon inia. Bayongan intau nongoherang nokodongog kon inia.

DATU MITA 2 5:4

Naonda in kinodongogan i Naaman in tosingogon tatua, minayá in sia kon i datu bo inoumannea onu inta pinoguman in adí bobay tatua.