MARKUS 5:15 - Alkitab Singog In Mongondow Masa In Tanaa

¹⁵ Mosia in namangoi kon i Yesus, bo inontongdon monia intau inta koina kinotoḷangan in dimukud moraat tatua, iḻimitúdon mako kon tua, ain nogiḷambung bo noratakdon in raiannea. Dá noondokdon in mosia komintan.

MARKUS 5:15 Referans Kwoze

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

LUKAS 8:27

Naonda in ki Yesus noponag kon toba, Sia inangoi in tobatú intau inta nongkon kotá tatua. Intau tatua kinotoḷangan in dimukud moraat. Noonggotdon in sia in diá nogiḷambungmai bo diádon doman nogutun kon baḷoinea. Sia nogutun bidon kon angob mita inta poḷoḷobongan kon intau minatoi.

MARKUS 5:9

Ki Yesus in noḻibó kon inia, “Ki ine in tangoimu?” Tubagnea, “Tangoiku ‘ki Legion’ sin mobarong totok in kami!”

LUKAS 10:39

Ki Marta naa oyúon in ki utatnea bobay doman inta tangoinea in ki Maria. Ki Maria naa iḻimitú mako kon diug i Yesus bo mokidongogmai kon onu in singogon-Nea.

SAMUEL 1 16:4

Ki Samuel nomia kon ná inta pinoguman i Tuhan. Naonda in sia nodapot kon Betlehem, itoi mita in kotá kon tua nonontomu kon inia takin noitaḻikokog bo noḻibó, “Degá kinoangoian i Amá naa in mokopoangoi kon saḷamat?”

MAZMUR 14:5

Intau moraat in totokbí in angoian in ondok, sin ki Allah in moḷukadbí kon intau inta motoindudui kon i-Nia.

AYUB 13:11

Eta degá kokokawasa i Allah in diá mokotaḻikokog kon dimukudmu? Eta degá kototoyang-Nea in diá mokoponag kon ginamu?

TAWARIKH 1 15:13

Kon dodai in Poti tatua kon imitánea totok pinamping, moiko in diá in kon tua sin modia kon tua. Tuamai ki Tuhan, Allah naton, nohukum kon inaton sin kita in nosumba kon-Nia táe diá noidudui kon ibog-Nea.”

MARKUS 5:18

Wakutu in ki Yesus tumakoidon kon uangga, intau inta koina kinotoḷangan in dimukud moraat, nopoigum kon i Yesus sinbá ogoi doman dumudui in sia.

MARKUS 5:16

Intau mita inta ain nokoontong tontaní kon bayongan inta nobaḻí kon intau tatua bo kon boké mita, nongonguman kon inta ain nobaḻí mita.

MARKUS 5:4

Sin mokakitdon tokigonmai in rante, táe tantúnea bo botowon in rante inta potogot tatua, bo uatoi inta pinoumantungan kon inia putoḷonnea. Moropot totok in sia dá diá tobatúmai intau in mokodomok kon inia.

MATIUS 12:29

Naondabí in intau mokotuot kon baḷoi in tobatú intau moropot bo mogagow kon kapunyaannea, aka diá munanea togoton in intau moropot tatua? Tantú bambí mopaḷut mako togotonnea in intau moropot tatua bodongka kotuotannea in baḷoi tatua bo mogagow kon kapunyaannea.

MATIUS 4:24

Onu in inaidan i Yesus tua noisiardon kon bayongan ḻipú kon Siria, dá diniadon monia pinobayá kon i-Nia in bayongan intau inta nongotakit noonggotdon. Noyagi-yagimai in takit, oyúon in kinotoḷangan in dimukud moraat, oyúon takit in manuk, oyúon in diá mokobayá, mosia nopia mita i Yesus.

MATIUS 9:33

Bo naonda in dimukud moraat tatua inuntun-Nea, dodaipa doman tatua nokosingogdon in intau tatua. Intau moantó inta kon tua nongoherang bo nosingog, “Diápa kon dodai in onda in kami in nokoontong kon ná tanion kon Israel.”

TAWARIKH 1 13:12

Táe noondokbí doman in ki Daud kon i Allah bo noguman, “Tanaa in naondadon in pododiaku kon Poti Dodandian tatua?”

MATIUS 26:53

Andeka iraimumai yo degá Akuoi in diábí motaau mokituḷung kon i Amá-Ku, bá ḷagi-Nea potabá mangoi in noiḻiu kon mopuḷú bodoyowá in tontara malaekat motuḷung kon i-Nakó?

MARKUS 5:14

Moḷoḷukad mita kon boké tatua, noḷagui bo minayá nopotaau in habar tatua kon kotá bo kon ḻipú mita inta kon diugneamai. Dá intau mita iḷumuai sin moindoi kon onu inta nobaḻí.