MARKUS 5:13 - Alkitab Singog In Mongondow Masa In Tanaa

¹³ Bo inóoan i Yesus. Dá dimukud moraat mita tatua iḷumuai kon intau tatua bo minayá sinumuot kon boké mita tatua. Bo paanan in boké – inta degá doyowamai noribu in kobayongnea tua, komintan iḷumanduk kon pompang in danow tatua bo noḷomot.

MARKUS 5:13 Referans Kwoze

AYUB 2:6

Dá ki Tuhan in noguman kon Ibilis, “Mopia, aidaidon kon inia onu in koibogmu, asaḷ dika ḻimodonmu in sia.”

WAHYU 20:7

Naonda in toribu notaong tatua mopaḷutdon, Ibilis in buḻiandon bui nongkon tampat pinohukuman kon inia,

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).

PETRUS 1 3:22

bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

MATIUS 8:32

Dá ki Yesus noguman kon i monia, “Bayádon!” Bo iḷumuaidon in mosia kon intau doyowa tatua bo sinumoḷang kon boké mita tatua. Bo paanan in boké tatua iḷumanduk kon pompang kon bonu in danow, bo noḷomot.

AYUB 1:12

Dá guman i Tuhan kon Ibilis, “Mopia, aidaidon in onukabí kon bayongan in kaoyúonan i Ayub, asaḷ bo dika yoyigaanmu in sia!” Bo minayádon in Ibilis tatua nongkon tayowon i Tuhan.

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MARKUS 5:12

Dimukud mita moraat tatua in nopoigum kon i Yesus, “Pokituotaidon in kami kon boké mita tatua.”

MARKUS 5:14

Moḷoḷukad mita kon boké tatua, noḷagui bo minayá nopotaau in habar tatua kon kotá bo kon ḻipú mita inta kon diugneamai. Dá intau mita iḷumuai sin moindoi kon onu inta nobaḻí.