MARKUS 5:11 - Alkitab Singog In Mongondow Masa In Tanaa

¹¹ Dodai intua, kon oyukmai in buḷud kon tua nobayong boké inta koyogot motayakmai kon kaanonnea.

MARKUS 5:11 Referans Kwoze

LUKAS 8:32

Nodiug kon tua oyúon in boké noantó inta koyogot motayakmai kon kaanon monia kon oyukmai in buḷud, dá dimukud moraat tatua nopoigum kon i Yesus, sinbá ogoi in mosia mayá tumuot kon boké mita tatua. Dá dinuduian i Yesus onu in pinoigum monia tua.

MATIUS 8:30

Diá noyayú kon i monia tua, oyúon in paanan boké inta koyogot motayakmai kon kaanonnea.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

YESAYA 65:4

Kon tungkuḷ in doḷom mosia in mayá in angob mita bo poḷoḷobongan sin mopoigum in tonggina mita in dimukud mita. Mosia in mokaan kon tapú in boké bo monginum kon tubig mita in ponoyá inta poton.

ULANGAN 14:8

Dika mokaan kon boké. Mahaḷuk tatua in harambí, sin umpaka konukunea nobotak, táe diá in sia mongongguyom. Tapúnea in diábí motaau kaanon, aka minatoi diábí motaau ḻiaion.

MATIUS 7:6

Donaaidon moiko mobogoi in barang inta mokudus kon ungkú. Bo donaai moiko mopogarab in mutiaramu kon boké, sinbá diá tongá rita-ritakannea mako intua bodongka mobuimai moyingki-yingkit kon i monimu.”

MARKUS 5:10

Sia in umuran mopoigum sinbá diá potabá i Yesus in sia ḷumuai nongkon butá tatua.

MARKUS 5:12

Dimukud mita moraat tatua in nopoigum kon i Yesus, “Pokituotaidon in kami kon boké mita tatua.”