MARKUS 4:8 - Alkitab Singog In Mongondow Masa In Tanaa

⁸ Táe oyúon doman bibit in noḷabú kon butá inta mopia. Bibit tatua nobiag, bo nobaḻí noḷoben bodongka nomungai, oyúon kotoḷu nopuḷú noguntuḷ in kobayongnea, oyúon in koonom nopuḷú noguntuḷ bo oyúon doman in kogatut noguntuḷ in kobayongnea.”

MARKUS 4:8 Referans Kwoze

YOHANES 15:5

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

MARKUS 4:20

Bo bibit inta noḷabú kon butá inta mopia, tua in ibarat intau mita inta nokidongog kon habar tatua bo sinarimanea. Mosia in nomungai nodatog. Oyúon in toḷu nopuḷú, oyúon in onom nopuḷú, bo oyúon doman in mogatut noguntuḷ in kobarong in bungainea.”

KINOBAḺIAN 26:12

Ki Ishak nonompinomuḷa kon butá tatua, bo taong tatua sia in nokouḻí kon bungai in boyó mogatut noguntuḷ nongkon onu inta pinomuḷanea, sin ki Tuhan nomarakat kon inia.

OUMAN IN RASUL MITA 17:11

Intau mita in Yahudi kon Berea mopia-pia nongkon intau mita in Yahudi kon Tesalonika. Takin sanang gina mosia in mokidongog kon habar soaḷ ki Yesus, bo pomuḷoi in singgai mosia inumuran mobaca kon Buk Motusi sin monarukira mongo totuu in sinundú i Paulus kon i monia tua.

MATIUS 13:8

Táe oyúon doman in noḷabú kon butá inta nopia bo sia in nomungai; oyúon mogatut noguntuḷ, oyúon in onom nopuḷú noguntuḷ, oyúon doman in toḷu nopuḷú noguntuḷ in bungainea.”

YEREMIA 23:29

Tosingogon-Ku in naonda bo tuḷú, bo ná bobibil inta norimumud kon batu!

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

YOHANES 7:17

Intau mita inta moibog dumudui kon i Allah, kotaauanneabí mongo nongkon i Allah in totundú-Ku naa andeka nongkon i-Nakó tontaní.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

LUKAS 8:8

Táe oyúon doman in noḷabú kon butá mopia. Bibit tatua in nobiag nopira bo nomungai nodatog totok. Bungainea in mogatut noguntuḷ in kobayongnea.” Nopaḷut mako nongonguman kon natua, Sia in noguman noropot nanaa, “Ki ine in kobongoḷan yo pokidongog!”

MATIUS 13:23

Bibit inta noḷabú kon butá mopia, tua in mangaḻenea intau inta nokodongog kon Pirman bo nonotaau kon mangaḻenea. Manangka intua sia nomungai, oyúon inta mogatut noguntuḷ, oyúon in onom nopuḷú noguntuḷ, bo oyúon doman in toḷu nopuḷú noguntuḷ.”

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

MARKUS 4:7

Oyúon doman bibit inta noḷabú kon yua-yuak in díat. Díat mita tatua nobiag bo nonisí kon biag in bibit mita tatua nodapot in minatoi, sahingga diá nokopomungai.

MARKUS 4:9

Nopaḷut mako nongonguman kon poumpamaan tatua ki Yesus noguman, “Aka kobongoḷan, yo indongogai!”

EPESUS 2:21

Siabí tua in nogaid kon bayongan bangunan tatua nobaḻí Baḷoi i Allah inta sinontaní kon i Tuhan.