MARKUS 4:30 - Alkitab Singog In Mongondow Masa In Tanaa

³⁰ Ki Yesus bui noḻibó, “Aka ki Allah momarenta saḷaku Datu, yo onu in motaau potongkaian naton kon onu? Onu in contoh inta motaau baḻíon naton dodoyonan poginsilangan kon tua?

MARKUS 4:30 Referans Kwoze

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

OMBAḶ 2:13

O Yerusalem, Kotá in Sion inta kinotabi totok, kinorumbunanmu in nádon koḷoben in baḷangon. Onu degá in motaauku singogon sin mopoḻipoi? Sin, diábí kon dodai in onda in nokouḻí kon roriga ná iko. Totuu kon diábí in mokopobui kon kaadaanmu.

MATIUS 11:16

Onu degá in motaau-Ku popoumpamaan kon intau masai naa? Mosia tua in naonda bo mongoadí mita inta ḻimitú mako kon pasar inta momaḷú kon yobayat mita monia ibanea.

MARKUS 4:31

Aka ki Allah momarenta, yo kaadaan-Nea in naonda bo poumpamaan tanaa: Tobatú batoḷ in sesawi ginamá in intau tobatú bo pinomuḷanea kon butá. Batoḷ in sesawi naa in batoḷbí inta paling mointok nongkon bayangan batoḷ kon dunia naa.