MARKUS 4:26 - Alkitab Singog In Mongondow Masa In Tanaa

²⁶ Ki Yesus in nongingguput bui kon ouman-Nea, “Aka ki Allah momarenta saḷaku Datu, kaadaan-Nea in motaau popoumpama naonda bo intau inta nogambor kon bibit kon gobánea.

MARKUS 4:26 Referans Kwoze

MATIUS 13:24

Ki Yesus in bui nongonguman kon i monia, kon tobatú poumpamaan, kai-Nia, “Aka ki Allah momarenta, yo naonda bo intau inta nogambor kon bibit inta mopia kon gobánea.

LUKAS 8:11

“Naa mangaḻe in poumpamaan tatua: Bibit tua in Pirman i Allah.

LUKAS 8:5

“Oyúon intau monononggobá iḷumuai sin mogambor kon bibitnea. Kon wakutu in sia noponabud, oyúon bibit in noḷabú kon bingkí in daḷan. Bibit tatua korita-ritakan mako in intau, onda intua nodait kinaan in ḷagapan.

YAKOBUS 3:18

Soaḷ inta mopia tua bungaibí in bibit dodamean inta inambor in intau inta moibog in dodamean!

YOHANES 12:24

Naadon in poguman-Ku kon i monimu: Aka batoḷ in gandum diá ḷobongon kon butá bo matoi, yo sia in tongábí umuran tougat. Táe aka batoḷ in gandum tatua matoi, bain tuata bo sia in mopomungai in gandum mobayong.

MOHOHUTUBA 11:6

Ponabudon in bibitmu kon dodai in doḷo-doḷom bo dika mogogai in doḷom. Sin diábí kotaauan naton mongo bibit táonda in mopia in kobobiagnea. Dika-dika bo tumpaḷabí in sia mobiag motompia.

MOHOHUTUBA 11:4

Ki ine in mogoḷat modapot in tompot bo kaadaan in dunia motompia, yo diábí in sia momuḷa bo diábí doman mogamá kon bungainea.

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

LUKAS 13:18

Ki Yesus in bui noḻibó, “Onu degá in motaau-Ku popoumpamaan aka ki Allah mamangoi momarenta saḷaku Datu? Naonda degá in kaadaannea?

MATIUS 13:33

Onda intua ki Yesus nongonguman doman kon poumpamaan nanaa kon i monia. “Aka ki Allah mamangoi momarenta, yo ná umpama ragi inta ginamá in bobay, bo pinobauk kon topong torigu opat nopuḷú noliter nodapot in kinumutad komintan!”

MATIUS 13:31

Ki Yesus nongonguman bui kon poumpamaan ibanea kon i monia, “Aka ki Allah in momarenta, yo ná umpama batoḷ: In sesawi inta ginamá in intau bo pinomuḷa kon gobánea.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 13:3

Bo mobarong in sinundú-Nea kon i monia táe nomaké in poumpamaan. Sia in nongonguman nanaa. “Tobatú intau monononggobá minayá bo nogambor.

MATIUS 4:17

Mulai kon wakutu intua ki Yesus in noguman, “Pogogaidon in mogaid kon dosamu mita, sin ki Allah in mamangoidon momarenta saḷaku Datu!”

MATIUS 3:2

“Pogogaidon mogaid kon dosamu mita, sin diádon moonggot bo mamangoi in ki Allah momarenta saḷaku Datu!”

MARKUS 4:25

Sin kon intau inta oyúondon kon inia, ogoian in kobayongon; táe kon intau inta diá in kon inia, yo onuka in topiḻik kon inia yo gamáanbí doman.”

MARKUS 4:27

Doḷom sia mosiug; singgai mobangon. Bibit tatua monguakat bo mobiag koḷantud-koḷantud. Táe naonda in kinobobaḻí intua diábí kotaauan in intau tatua.