MARKUS 3:34 - Alkitab Singog In Mongondow Masa In Tanaa

³⁴ Onda intua ki Yesus nobobui magí-mako kon i monia inta iḻimitú kon ḻibu-Neamai bo noguman, “Naabí in ki iná bo ki utat-Ku mita!

MARKUS 3:34 Referans Kwoze

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

MATIUS 28:10

Bo ki Yesus in noguman kon i monia, “Dika moondok! Bayádon bo poguman kon i utat-Ku mita sinbá mosia in mayádon in Galilea; bain kon tua bo ontongon monia in Akuoi.”

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MARKUS 3:33

Táe ki Yesus in notubag, “Ki inebí in ki iná-Ku? Ki inebí in ki utat-Ku mita?”

MARKUS 6:6

Ki Yesus noherang sin mosia in diá mopirisaya. Onda intua ki Yesus nopobayá in ḻipu-ḻipúannea inta nodiug kon tua, bo nobogoi in topotundú.