MARKUS 3:17 - Alkitab Singog In Mongondow Masa In Tanaa

¹⁷ ki Yakobus bo ki Yohanes ki utatnea. Taya dua naa ki adí mita i Zebedeus (mosia in sinangoian ki Boanerges, inta mangaḻenea, “ki adí in gotup”),

MARKUS 3:17 Referans Kwoze

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

MARKUS 14:33

Onda intua ki Yesus nonongganut kon i Petrus, kon i Yakobus bo kon i Yohanes noyotakin-Nea minayá. Bo mulaidon sia angoian robonoḷ in dodob bo moḻia-ḻiaw in gina.

MARKUS 5:37

Bo minayá turus in Sia, táe diádon tobatúmai inogoi-Nea dinumudui kon i-Nia koḻikud in ki Petrus, ki Yakobus bo ki Yohanes inta ki utat i Yakobus.

YEREMIA 23:29

Tosingogon-Ku in naonda bo tuḷú, bo ná bobibil inta norimumud kon batu!

OUMAN IN RASUL MITA 12:1

Kon wakutu intua ki Datu Herodes nomangkoidon momogutú kon bayongan jamaat.

YOHANES 21:2

Kon singgai tobatú, ki Simon Petrus, ki Tomas inta donoionmai “Apang”. ki Natanael inta nongkon Kana kon Galilea, ki adí mita i Zebedeus, bo murí doman mita i Yesus taya dua in namangoi noyosipun.

MARKUS 10:35

Ki Yakobus bo ki Yohanes inta ki adí mita i Zebedeus in namangoi dinimiug kon i Yesus bo noguman, “Pak Guru, oyúon in poigumon nami aidan i Amá kon inami.”

MARKUS 9:2

Onom nosinggai noidudui kon tua, ki Yesus nodia kon i Petrus, kon i Yakobus bo kon i Yohanes, mosia minayá in buḷud inta moḷantud bo sinumontaní. Kon tayowon monia tua nobaḷui in pogot i Yesus.

YESAYA 58:1

Ki Tuhan in noguman, “Pomaḷúdon podudui in ropotmu! Potaaudon kon umat-Ku in dosa mita monia.

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

MATIUS 4:21

Bo naonda i minayá nongkon tua, ki Yesus bui nokoontong kon intau taya dua doman mogutat, ki Yakobus ki adí i Zebedeus bo ki Yohanes ki utatnea, mosia koyota-yotakin i amá monia ki Zebedeus. Mosia yogot monoinutmai kon landará kon bonu uangga. Mosia inoiní i Yesus,

MARKUS 3:16

Naa in tangoi monia mopuḷú bodoyowá tua: Ki Simon (inta dinonoi doman ki Petrus),

MARKUS 3:18

ki Andreas, ki Pilipus, ki Bartolomeus, ki Matius, ki Tomas, ki Yakobus ki adí i Alpeus, ki Tadeus, ki Simon intau in Zelot,

LUKAS 9:54

Nokotaaumai kon natua in ki Yakobus bo ki Yohanes inta murí i Yesus, mosia in noḻibó nanaa, “Tuhan, moibog degá in ki Tuhan bá poigumon nami in tuḷu moḷabú nongkon ḷangit bo momutú kon i monia komintan?”