MARKUS 2:22 - Alkitab Singog In Mongondow Masa In Tanaa

²² Ná doman tua, diábí in intau mogaḻin kon anggur kon bonu in botutu kuḻit inta nokoyongandon. Sin anggur nobagu tatua i mokopopisíbí kon koberakan in botutu tatua, dá tumpaḷadon mogoguyaat in botutu bo anggur. Tuamai in anggur nobagu musti bonuon doman kon botutu nobagu!”

MARKUS 2:22 Referans Kwoze

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

MAZMUR 119:83

Kuḻitku in noḷubakdon naonda bo botutu in anggur inta ain nokoyongan, táe atorang-Mu in diábí koḻionganku.

MAZMUR 119:80

Igumon mako in ginaku diá tumabat nongkon atorang-Mu, sinbá diá mooyá in akuoi.

YOSUA 9:13

Bo botutu mita in anggur nami naa in nobagupabí kon dodai in binonuan nami; táe tanaa, indoiaika! Ain noberak. Pakeang bo sapatu nami in nogoguyaat domandon kon binayáan inta moyayú naa.”

YOSUA 9:4

Bo mosia in noyopakatdon kon monguboḷ kon i Yosua takin aid mopobaba kon keledai monia in: karong mita inta ain nokoyongan, bo botutu mita in anggur inta nongokesekdon inta pinomia nongkon kuḻit. Bo inta mobaḻí tongkaaḷ monia, mosia in nosadiadon kon roti inta ain noingkag bo inuḷampungdon.

AYUB 32:19

Aka akuoi tongá kibio-biómai, yo mopopar in akuoi, naonda bo botutu inta nopuḻing in anggur nobagu.

MARKUS 2:21

Diábí intau in mopoduḷampong in didit mobagu kon ḷambung inta nokoyongandon. Sin didit nobagu inta pinoduḷampong tatua in mobadang bo momerak kon ḷambung koyongan tatua, dá modugangdon moḷoben berak in ḷambung tatua.

MARKUS 2:23

Kon tobatú singgai in Sabat, ki Yesus noitaḻib kon gobá in gandum, bo murí-Nea mita nokoyut kon bungai in gandum.