MARKUS 2:2 - Alkitab Singog In Mongondow Masa In Tanaa

² Bo namangoidon in intau mita kon tua. Mosia in noyosipun kon tua dapot in diádon tampat umpaka ngara yo nopuḻingdon in intau. Ki Yesus in nopotaau in Habar Mopia nongkon i Allah kon i monia.

MARKUS 2:2 Referans Kwoze

MARKUS 2:13

Nopaḷut mako kon tua ki Yesus minayá bui in pintad Danow Galilea. Bayongan intau namangoi kon i-Nia. Bo Sia nobogoi in topotundú kon i monia.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

SURAT I PAULUS KON JAMAAT RUM 10:8

Nanaa in makusudnea, “Habar inta nongkon i Allah tua in nodiug totok kon inimu, kon bibig bo kon bonu in ginamu.” Tuata in habar inta pinoyaput magí-mako nami; habar kon intau in musti mopirisaya.

OUMAN IN RASUL MITA 16:6

Ki Paulus bo ki Silas in diá inogoi in Roho i Allah mopoyaput in Habar Mopia kon propinsi Asia. Dá mosia in nopobayádon kon daerah in Prigia bo Galatia.

OUMAN IN RASUL MITA 14:25

Bo naonda in nopaḷutdon nopoyaput in Habar Mopia kon Perga, mosia minayá in Atalia, inta kon pintad.

OUMAN IN RASUL MITA 11:19

Naonda in iḻimodon in ki Stepanus, intau mita inta nopirisaya kon i Yesus Kristus nongoirangkap in noḷagui sin tokodomokon bo tokopogutúon in intau mita inta diá mopirisaya. Oyúon in noibayá kon Penisia, bo oyúon doman noidapot in Siprus bo Antiokhia. Kon tua in mosia nopoyaput in Habar Mopia kon intau mita in Yahudi.

OUMAN IN RASUL MITA 8:25

Naonda in nopaḷutdon nobogoi in kosakusian bo nopotaau in pirman i Tuhan, ki Petrus bo ki Yohanes in nobuidon kon Yerusalem. Kon bonu in binayáan monia tatua, mosia in sindaḷan mopotaau in Habar Mopia kon bayongan ḻipú kon Samaria tua.

LUKAS 12:1

Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 8:11

“Naa mangaḻe in poumpamaan tatua: Bibit tua in Pirman i Allah.

LUKAS 8:1

Diá noonggot kon tua ki Yesus minaya-mayá mako in kotá-kotáannea bo ḻipu-ḻipúannea, bo mopoyaput in Habar Mopia kon soaḷ naonda in ki Allah mamangoi momarenta saḷaku Datu. Rasul-Nea inta mopuḷú bodoyowá kotaki-takin-Nea doman.

MARKUS 1:37

Naonda in noyodungkuḷdon monia in ki Yesus, pinotaau monia, “Bayongan intau notayak kon i Guru.”

MARKUS 1:33

Bayongan intau kon kotá tatua noyosipun kon muna in baḷoi tatua.

MARKUS 1:14

Naonda in ki Yohanes dinomok pinobonu kon ponjara, ki Yesus minayá in Galilea, bo nopotaau kon tua in Habar Mopia inta nongkon i Allah.

MATIUS 5:2

Kon tua ki Yesus nomangkoi notundú kon i monia:

MAZMUR 40:9

Mopia in ginaku in mogaid kon kinoibog-Mu, o Allah, hukum-Mu sinagúku kon bonu in gina.”

LUKAS 5:17

Kon singgai tobatú, wakutu in ki Yesus koyogot motundúmai, oyúon in tongonumai in intau in Parisi bo mototundú kon agama iḻimitú kon tua mokidongog kon onu in poguman-Nea. Mosia tua in namangoi nongkon Yerusalem bo nongkon kotá mita kon Galilea bo Yudea. Kawasa i Tuhan umuran kotaki-takin-Nea sahingga in Sia mokopia kon intau mita inta notakit.

MARKUS 6:34

Naonda in tubu monia, nobayong totok in intau inontong i Yesus kon tua. Dá totokdon inangoian tabi in Sia kon i monia, sin mosia tua naonda bo domba inta diá kogombala. Bo nomangkoidon in Sia nopoyaput in totundú kon i monia kon mobayong in soaḷ.

MARKUS 2:1

Tongonumai nosinggai noiduduimai kon tua, ki Yesus in minayádon bui in Kapernaum bo noisiardon in habar kon Sia in oyúon kon baḷoi.