MARKUS 2:18 - Alkitab Singog In Mongondow Masa In Tanaa

¹⁸ Kon singgai tobatú, wakutu in murí mita i Yohanes Mobobaptis bo intau mita in Parisi nopuasa. Dá oyúon intau in namangoi kon i Yesus bo noḻibó, “Nongonu sin murí mita i Yohanes Mobobaptis bo murí mita in intau in Parisi mopuasabí, táe murí mita i Pak Guru in diábí?”

MARKUS 2:18 Referans Kwoze

LUKAS 18:12

Akuoi in mopuasa kodua in todiminggu, bo kon pomuḷoi in diminggu akuoi in umuran mobogoi in mopuḷú noporsen nongkon onu inta nouḻíku.’

MATIUS 6:18

sinbá diá kotaauan in intau kon iko in koyogot mopuasa, pomayádon mako sinbá tongá ki Amámu inta kon tampat noiadop in mokotaau. Bo Sia inta nokotaau kon inta oaidmu noibuni tatua mobogoi kon onu inta sinayakmu.”

MATIUS 6:16

“Aka moiko bo mopuasa, yo donaaibí popokantara kon pogotmu ná intau mita inta mongomunapik. Imonia in popokantarabí kon pogot monia, sinbá kotaauan in intau kon mosia in koyogot mopuasa. Poguman-Ku kon inimu, tuadon bungainea kon i monia.

SURAT I PAULUS KON JAMAAT RUM 10:3

Diá kinotaauan monia mongo naonda in pogogaid i Allah monompia bui kon hubungan-Nea takin intau. Bo popisí in mosia moibog dumudui kon aid monia tontaní, dá mosia in doíbí dumudui kon aid inta sinundú i Allah.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

MARKUS 2:19

Ki Yesus in notubag, “Kon rame ponikaan, yobayat mita in intau inta nonika in diábí motaau in mopuasa kon wakutu in mosia koyota-yotakinpa in intau inta nonika tua, tantú mongaanbí moyotakin in mosia.