MARKUS 2:1 - Alkitab Singog In Mongondow Masa In Tanaa

¹ Tongonumai nosinggai noiduduimai kon tua, ki Yesus in minayádon bui in Kapernaum bo noisiardon in habar kon Sia in oyúon kon baḷoi.

MARKUS 2:1 Referans Kwoze

YOHANES 4:47

Naonda in dinongognea kon ki Yesus in nongkon Yudea namangoidon in Galilea, dá sia in minayádon kon i Yesus nopoigum sinbá mamangoipa in Kapernaum bo mongundam kon i adínea inta dongkadon oḷaton.

MARKUS 7:24

Onda intua ki Yesus nonaḷámaidon kon tampat tatua, bo minayá in ḻipú inta kon diug in Tirus. Sinumuot in Sia kon tobatú baḷoi, bo ibogon-Nea in diá kotaauan intau kon Sia in kon tampat tatua. Táe diá notaau nogadop in Sia.

LUKAS 5:18

Kon dodai intua oyúon in intau mita nobuḻig mangoi kon intau ḻempeng inta dongkadon noitosiug mako kon tosiugannea. Mosia noramuji mopotuot in intau tatua kon bonu in baḷoi sinbá motaau popoukat monia in intau ḻempeng tatua kon tayowonmai Yesus.

MARKUS 1:45

Táe intau tatua minayábí bo nongonguman magí-mako kon onu inta nobaḻí kon inia tua, sahingga in ki Yesus diádon mobebas tumuot kon kotá tatua. Sia in tongádon kon ḷuai in kotá, kon tampat mita inta moingongow. Táe bayongan intau inta nongkon ḻipu-ḻipúannea umuran doman mamangoi kon i-Nia.

MATIUS 9:1

Onda intua ki Yesus sinumakoidon kon uangga bo iḷumeag minayá in ḷoḷan danow. Bo noidapotdon in Sia kon ḻipú-Nea tontaní.

OUMAN IN RASUL MITA 2:6

Naonda in nokodongog kon singog tatua, nobayong totok in intau in namangoi noyoḻipung. Mosia nongoherang in nokodongog kon rasul mita tatua nosingog nomaké in bahasa monia tontaní.

MATIUS 4:13

Sia nonaḷámai kon Nazaret bo minayá nogutun kon Kapernaum, kon bingkí in Danow Galilea, kon butá in Zebulon bo Naptali,

MARKUS 2:2

Bo namangoidon in intau mita kon tua. Mosia in noyosipun kon tua dapot in diádon tampat umpaka ngara yo nopuḻingdon in intau. Ki Yesus in nopotaau in Habar Mopia nongkon i Allah kon i monia.

MARKUS 3:20

Onda intua ki Yesus nobuidon kon baḷoi. Táe intau nobayong buipabí namangoi noyosipun, sahingga in ki Yesus bo murí-Nea mita diádon nokopongaan.

MARKUS 7:17

Naonda in nonaḷámai in ki Yesus kon intau moantó tatua bo sinumuot kon baḷoi, murí-Nea mita in noḻibó kon i-Nia mongo onu in mangaḻe poumpamaan tatua.

MARKUS 9:28

Naonda in kon baḷoidon in ki Yesus, murí-Nea mita namangoi sinumontaní bo noḻibó kon i-Nia, “Nongonu sin diábí in kami mokountun kon dimukud moraat tatua?”

LUKAS 4:23

Dá ki Yesus in noguman nanaa, “Tantú nanaabí in singogon monimu kon i-Nakó, ‘Ei mongongundam, undamaidon in awak-Mu tontaní. Bo aidai domandon kon naa, kon ḻipú-Mu tontaní in onu inta ain dinongog nami inaidan-Mu kon Kapernaum!’ ”