MARKUS 16:5 - Alkitab Singog In Mongondow Masa In Tanaa

⁵ Bo mosia in sinumuot kon bonu in pinoḷobongan tatua. Kon bonu in pinoḷobongan dotá in koḷanan inontong monia tobatú tayowmobiag inta nogi jubah nobudó iḻimitú mako, bo noitaḻikokog in mosia.

MARKUS 16:5 Referans Kwoze

YOHANES 20:8

Onda intua murí inta noiyaput muna tua in sinumuotdon doman. Tua inontongnea bo nopirisaya doman in sia. (

MATIUS 28:3

Pogot in malaekat tatua mopouḻi-uḻinag, ḷambungnea in nobudó totok naonda bo salju.

LUKAS 1:12

Naonda in nokoontongmai kon malaekat tatua, noitaḻikokog in sia bo inangoian in ondok.

MARKUS 9:15

Naonda intau mita tatua nokoontong kon i Yesus, mosia in nongoitongau bodongka noribatuk nonontomu kon i-Nia.

DANIEL 10:12

Bo gumannea kon inakó, “Daniel, dika moondok. Ki Allah in nokidongogdon kon sambayangmu pinangkoi kon singgai muna iko nonantú kon nopoompá kon inimu tontaní sinbá mobaḻí mobijaksana. Akuoi in namangoidon nobaḻí tubag in sambayangmu.

DANIEL 8:17

Bo ki Gabriel inta sinimindog kon tayowonkumai tatua dinimiug kon inakó. Akuoi in inangoiandon totok in ondok, dá noumpag in akuoi. Guman i Gabriel kon inakó, “Ei intau mato-matoi, mustibí kotaauanmu kon oontongon tatua in mopoontongbí in inta mobaḻí kon singgai tumi.”

MARKUS 1:27

Bayongan intau nongoherang totok, dá nosiḻiboandon in mosia, “Onu in naa? Tobatú totundú mobagu! Takin bangkaḷon bo kawasa Sia nomarenta kon dimukud mita moraat, bo dinuduian doman monia in singog-Nea.”

MARKUS 14:33

Onda intua ki Yesus nonongganut kon i Petrus, kon i Yakobus bo kon i Yohanes noyotakin-Nea minayá. Bo mulaidon sia angoian robonoḷ in dodob bo moḻia-ḻiaw in gina.