MARKUS 16:10 - Alkitab Singog In Mongondow Masa In Tanaa

¹⁰ Dá ki Maria Magdalena in minayá nopotaau in onu inta nobaḻí tatua kon intau inta dumuduimai kon i-Nia inta koyogot monahangmai, kon gina bo mongombaḷmai popisí in kinopatoian i Yesus. Nopaḷut mako kon tua, ki Yesus tontaní pinongin murí-Nea nopotaau pinangkoi kon pomukaan nopobayá in toyopan in habar inta motusi bo mononoi soaḷ kasaḷamatan inta mononoi.]

MARKUS 16:10 Referans Kwoze

YOHANES 20:18

Dá binayá domandon i Maria pinotaau kon murí mita i Yesus, kon inontongneadon in ki Tuhan bo ki Tuhanbí doman in noguman kon tua komintan kon inia.

YOHANES 16:6

Nodapotbí in tanaa moajarbí in gina monimu sin pinotaau-Kudon intua kon inimu.

LUKAS 24:17

Bo ki Yesus in noḻibó kon i monia, “Onubí in sindaḷan monimu oumanon naa kon daḷan?” Mosia in baḷú sinumogon takin moajar in gina.

MARKUS 14:72

Kon dodaipa doman tuata manuk nokukú kon induanea. Bo kinotoropandon i Petrus kon munadon pinoguman i Yesus kon inia, “Kon diápa mokukú in manuk kon induanea, koyongandon kotoḷu in sia nomayow deeman murí.” Bo nongombaḷ mopoina-inak in ki Petrus.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.

MATIUS 19:22

Naonda in tayowmobiag tatua nokodongog kon singog i Yesus tatua, minayá in sia takin ajar in ginanea, sin totok mobarong in kapunyaannea.