MARKUS 16:1 - Alkitab Singog In Mongondow Masa In Tanaa

¹ Naonda in noitaḻibdon in singgai in Sabat, ki Maria Magdalena, ki Maria ki iná i Yakobus bo i Salome minayá notaḷui kon toyokayu mita sin poḷana kon mayat i Yesus.

MARKUS 16:1 Referans Kwoze

LUKAS 23:56

Onda intua, nobui in mosia bo nosadia kon toyokayu mita inta biasamai pakéon pomondu kon mayat. Mosia in nosadia doman kon ḷana mobondu sin poḷana kon mayat i Yesus. Kon singgai in Sabat mosia in nogogai nogaid podudui in hukum agama.

MARKUS 15:40

Kon tua oyúon doman tongonumai in bobay inta noindoi nongkon noyayú kon bayongan inta nobaḻí tatua. Kon sigad monia tua oyúon in ki Salome, ki Maria Magdalena bo ki Maria ki iná i Yakobus inta nobagupa bo i Yoses.

YOHANES 19:31

Itoi mita in Yahudi in doíbí aka mayat in intau mita inta pinopopakú kon kayu pinoyotaḻempang umuran moigantong mako kon tua umaai Singgai in Sabat, apa doman Sabat dodai intua in Singgai Moḷoben. Sin singgai inta pinopopakúan kon i Yesus tua in noiḷabú kon singgai inta mopoikoḷomai in Sabatdon tatua. Dá itoi mita i Yahudi minayádon kon i Pilatus bo nopoigum sinbá sioḷ in intau mita inta pinopopakú kon kayu pinoyotaḻempang tatua tokoputoḷandon bodongka popoponag in mayat monia nongkon kayu pinoyotaḻempang tatua.

YOHANES 19:25

Kon diug in kayu inta pinopopakúan kon i Yesus, sinimindog kon tua ki iná i Yesus, ki utat bobay i iná-Nea, ki Maria ki buḷoi Klopas, bo ki Maria Magdalena.

MARKUS 16:8

Dá iḷumuaidon in mosia nongkon pinoḷobongan tatua bo noribatuk lantaran noitaḻikokog bo noondok. Mosia in diábí nongonguman kon i inekadon popisí in noondok. [

MARKUS 15:47

Wakutu intua ki Maria Magdalena bo ki Maria ki iná i Yoses nonarukiramai mongo pinouḻid naonda in mayat i Yesus.

MARKUS 14:8

Bobay tanaa ain nogaid kon onu in motaaunea aidan. Ḷananea tatua in pinosadianea kon poḷobongan kon i-Nakó kon wakutu in Akuoi diápa minatoi.

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

LUKAS 23:54

Singgai tua, singgai in Jumaat; singgai Sabat in diádon moonggot.

MARKUS 15:42

Noungkoḷomdon in singgai kon dodai in ki Yusup nongkon Arimatea noiangoi. Ki Yusup naa in tobatú anggota in Mahkama Agama inta ihoromatmai in intau. Sia naa inta mogoḷatmai kon wakutu ki Allah mamangoi momarenta saḷaku Datu. Singgai intua singgaidon Pobasadiaan (tuata in singgaidon inta mopoikoḷom kon singgai in Sabat). Tuamai in ki Yusup nokopobarani in minayá in tayowon i Pilatus bo noigum kon mayat i Yesus.

KINOBAḺIAN 50:2

Ki Yusup in nomarenta kon intau mita inta mononompia kon mayat sinbá pakéandon in bahan mita inta ponahang kon mayat bá diá mobondot in mayat i Yakub.

MARKUS 16:2

Totokpa in subu kon singgai dungkuḷ kon diminggu tatua mosia minayá in poḷoḷobongan.

LUKAS 24:1

Táe kon singgai in Diminggu modiugpa mobayag, bobay mita tatua minayá in poḷoḷobongan bo nodia kon toyokayu mita inta aindon sinadia monia.