MARKUS 15:42 - Alkitab Singog In Mongondow Masa In Tanaa

^42-43 Noungkoḷomdon in singgai kon dodai in ki Yusup nongkon Arimatea noiangoi. Ki Yusup naa in tobatú anggota in Mahkama Agama inta ihoromatmai in intau. Sia naa inta mogoḷatmai kon wakutu ki Allah mamangoi momarenta saḷaku Datu. Singgai intua singgaidon Pobasadiaan (tuata in singgaidon inta mopoikoḷom kon singgai in Sabat). Tuamai in ki Yusup nokopobarani in minayá in tayowon i Pilatus bo noigum kon mayat i Yesus.

MARKUS 15:42 Referans Kwoze

YOHANES 19:31

Itoi mita in Yahudi in doíbí aka mayat in intau mita inta pinopopakú kon kayu pinoyotaḻempang umuran moigantong mako kon tua umaai Singgai in Sabat, apa doman Sabat dodai intua in Singgai Moḷoben. Sin singgai inta pinopopakúan kon i Yesus tua in noiḷabú kon singgai inta mopoikoḷomai in Sabatdon tatua. Dá itoi mita i Yahudi minayádon kon i Pilatus bo nopoigum sinbá sioḷ in intau mita inta pinopopakú kon kayu pinoyotaḻempang tatua tokoputoḷandon bodongka popoponag in mayat monia nongkon kayu pinoyotaḻempang tatua.

OUMAN IN RASUL MITA 13:29

Bo naonda in nopaḷutdon inaidan monia in bayongan inta ain noipais kon bonu in Buk Motusi soaḷ Sia, pinopoponagdon monia in mayat-Nea nongkon kayu pinoyotaḻempang bodongka iḷobong.