MARKUS 15:21 - Alkitab Singog In Mongondow Masa In Tanaa

²¹ Kon daḷan mosia noyodungkuḷ in intau. (Ki Simon in tangoinea, – nongkon Kirene – ki amá i Aleksander bo i Rupus.) Noitongkanábí in sia nongkon ḻipú bo mopobayá in kotá. Intau tatua pinakisa monia pinoki potaanan in kayu pinoyotaḻempang inta popopakúan kon i Yesus.

MARKUS 15:21 Referans Kwoze

LUKAS 23:26

Dá ki Yesus in diniadon monia. Kon daḷan mosia noyodungkuḷ in tobatú intau, tangoinea in ki Simon. Sia in nongkon ḻipú in Kirene bo mopobayá in kotá tatua. Dinomok monia in sia bo pinakisa pinoki potaanan in kayu pinoyotaḻempang bo dumuduianmai kon tumi i Yesus.

MATIUS 27:32

Naonda in mosia kon ḷuai in kotá, mosia noyodungkuḷ in tobatú intau inta nongkon Kirene ki Simon in tangoinea. Pinakisa monia in intau tatua pinoki potaanan in kayu pinoyotaḻempang inta popopakúan kon i Yesus.

SURAT I PAULUS KON JAMAAT RUM 16:13

Salam kon i Rupus bo kon i inánea inta inanggapkudon ná ki ináku tontaní. Ki Rupus tua in intau inta ain piniḻí i Tuhan bo mopia doman in oaidnea.

OUMAN IN RASUL MITA 13:1

Wakutu intua kon jamaat in Antiokhia oyúon in tongonumai in nabi bo guru, naa in tangoi monia tua: Ki Barnabas, ki Simeon inta dinonoi ki Niger, ki Lukius intau in Kirene, ki Menahem inta noyobiag i Datu Herodes, bo ki Saulus.

OUMAN IN RASUL MITA 11:20

Táe kon sigad in intau mita inta mopirisaya tatua, inta nongkon Siprus bo Kirene, oyúon doman in minayá kon Antiokhia bo nopoyaput in Habar Mopia kon bayongan intau inta deeman agama Yahudi doman.

OUMAN IN RASUL MITA 6:9

Táe oyúon doman in intau in diá mopirisaya kon inia; mosia tua in jamaat nongkon Yahudi inta Tangoionmai Intau mita Nobebas. Mosia tua in intau mita inta nongkon Kirene bo Aleksandria, mosia noyotakin doman in tongonumai intau Yahudi nongkon Kilikia bo Asia. Intau mita inta noginggabatanmai in singog takin i Stepanus.

OUMAN IN RASUL MITA 2:10

Prigia, Pampilia, Mesir bo butá mita inta kon Libia inta kon diug in Kirene; bo oyúon doman in mokokiangoi nongkon Rum,

LUKAS 14:27

Intau inta doí momotaan kon kayu pinoyotaḻempang bo dumudui kon i-Nakó, sia tua in diábí motaau mobaḻí dumodudui-Ku.

MARKUS 15:20

Onda in pinoyambá mako monia natua in ki Yesus, iḷongkutdon bui monia in jubah nopars tatua bo pinoḷutudon bui in ḷambung-Nea tontaní. Onda intua dinia pinoḷuai sin popopakúdon kon kayu pinoyotaḻempang.

YOHANES 19:17

Ki Yesus iḷumuai takin kopota-potaan in kayu pinoyotaḻempang popopakúan kon i-Nia bo nopobayá in tampat inta sinangoian “Tampat in Ḷungkaká”. (Kon bonu in bahasa Ibrani sinangoian Joljuta.)

MATIUS 5:41

Bo ki inekabí in momakisa kon inimu mayá toribu nometer, yo dugangaidon mako mayá takinnea doyowa noribu nometer in koyayúnea.