MARKUS 13:9 - Alkitab Singog In Mongondow Masa In Tanaa

⁹ Musti mokopoingat in moiko sin domokon bo pokisidang kon mahkama agama. Moiko in bongkugon kon baḷoi mita pososambayangan. Diaan in moiko potayow kon mongongawasa mita bo datu popisí in moiko in murí-Ku mita. Bo tuata in kasampatan monimu mongonguman kon i monia soaḷ Akuoi.

MARKUS 13:9 Referans Kwoze

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

MARKUS 13:5

“Mokopoingat,” kai Yesus, “Dika modapot in koakaḷan in moiko.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

TESALONIKA 2 1:5

Bo noniatadon kon naa kon moadilbí totok in pononantú i Allah: Lantaran moiko bo nobiagdon nororiga sin popisí noramuji tumuot kon Dunia Mobagu i Allah, dá moiko in patusdon tumuot kon dunia tatua.

PILIPI 1:29

Sin moiko inogoian bidon i Allah in totabi inta deemanbí tongá mopirisaya kon i Kristus, táe poḷatbí doman motanggung kon roriga-Nea.

OUMAN IN RASUL MITA 21:11

Sia in namangoi kon inami bo nogamá kon togot in ogotan i Paulus. Togot in ogotan tatua pinakénea pinotokig kon sioḷ bo ḻimanea tontaní bo nosingog, “Naadon inta pinoguman in Roho i Allah: Ki togi togot in ogotan tanaa in togoton nanaa in intau mita in Yahudi kon Yerusalem bo posarakan kon intau mita inta deeman Yahudi.”

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

OUMAN IN RASUL MITA 7:54

Naonda dinongog in anggota in Sidang Agama in bayongan singog i Stepanus tatua, totok nonakit in gina monia bo sinumorú totok kon inia.

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

LUKAS 9:5

Bo aka oyúon in intau inta doí motarima kon i monimu, yo ḷuaidon kon kotá tatua bo topirai in ḷobud kon sioḷmu saḷaku tompoingat kon i monia.”

MARKUS 6:11

Táe aka moiko bo moibayá in tobatú tampat, bo intau mita kon tua doí motarima bo doí mokidongog kon i monimu, yo taḷaaidon in tampat tatua. Bo topiraidon ḷobud nongkon sioḷmu saḷaku tompoingat kon i monia!”

MARKUS 1:44

“Pokoingat, donaai oumanon kon i inekadon, táe bayádon kon i imang bo pokitantúdon kon inia kon iko in totu-totuudon nopia. Bo pobogoi in iko kon sosumba sukurmu podudui in atorang i Musa mobaḻí bukti kon intau mita kon iko in nopiadon.”

MATIUS 5:22

Táe Akuoi in moguman kon i monimu, pomuḷoi intau inta tumorú kon i utatnea, yo musti hukumon; bo ki ine in moguman kon i utatnea kaper yo musti popotayow kon Itoi in Agama. Bo ki ine in moguman, ‘Pompuḷong,’ yo musti (pogonag) kon naraka inta kodoko-dokot.

MARKUS 13:8

Tobatú bangusa moparang in bangusa ibanea. Tobatú negara monuntun kon negara ibanea. Ḻinug bo malarat mobaḻí kon bayongan tampat. Tua komintan bagupabí pomangkoian in roriga, naonda bo takit inta korasaan in bobay inta mononggadí.

YOHANES 2 1:8

Sin tuamai, mokopoingat sinbá moiko in diá kobuḻian in onu inta ain iramuji nami sin kopontingan monimu. Poramujidon totok sinbá moiko in motarima kon tontuḻí in bayongan inta ain inaidanmu.